السبت، 1 ديسمبر 2007

عندما يكون الإنسان بلا قيمة

عندما يكون الإنسان بلا قيمة
عندها تنهار حصونه
و تموت جنوده
وينطفئ بريق الكبريـــــاء في عينيه
عندها يكون الزاد كالخناجر تقطع الأحشاء
عندها يكون الهواء ملوثا برائحة الندم
عندها يكون الماء مشبعا بطعم الألم
عندها تكون الحياة بلا معنى ولا هدف
عندها تبحر سفينة الخيال بلا مرسى
ويفر العقل بلا رجعة
و يشذ القلب بلا توبة
ويضيق الصدر بلا فرجة
و تموت المشاعر بلا بعثة
و يتوه الأمل بلا عودة
وساعتها يتمنى الموت ولو كان منه بعيد

هناك 28 تعليقًا:

ِِAdem El-Mahdy يقول...

السلام عليكم

أهلا بماسك باشا فعلا بتطربنا بأسلوبك الجامد

الموضوع مخوف جداا ، مش بسبب الموقف لا ، بسبب " إن تتولوا يستبدل قوما غيركم ولا يكونوا أمثالكم"
لو فعلا ما تحركناش ، لو احنا ما كناش بلا قيمة

سنكون مثلهم بلا قيمة

Dr. Diaa Elnaggar يقول...

جميلة جدا هذه المعاني ومحزنة الكلمات في ذات الوقت. ولكن أتمنى أن تقرأ قصيدة سفر التكوين للراحل أمل دنقل، ففيها موتيفات قريبة الصلة جدا مما كتبت. وهذا هو الرابط للملف الصوتي لها.

http://www.esnips.com/nsdoc/5692b87e-bdcb-431d-be37-330a5c7f4e1c/?action=forceDL

عميق تحياتي

ضياء

Cleo يقول...

كلامك كله صحيح يا ماسك وجاى عالوجيعة.. عارف كان يبقى فى الصميم امتى؟

لو شيلت صورة الأسير العراقى وحطيت مكانها صورة مواطن مصرى مدلدل من الأوتوبيس.. أو واقف فى طابور عيش.. أو كستنى المواصلات.. أو فى قسم شرطة.. أو بيتسحل فى مظاهرة أو له طلب فى أى مصلحة حكومية..

شكلك ناوى تروح وتودينا فى توكر

Unknown يقول...


منور ياأدم... اتفق معك ان لابد لنا من موقف حازم



د. ضياء .. أسعدني للغايه مرورك هنا وأشكرك على جميل كلماتك.. وعلى القصيده الجميله..
الرابط يذهب على حساب خاص بك .. ولكني بحثت عنها ووجدتها




كليو ... صورة المواطن العراقي تمويه .. وربنا يجعل كلامنا خفيف عليهم.. اصل مش ناوي اني ادون من المعتقل وكل لبيب بالاشاره يفهم

DayDreaming يقول...

انت جبت من الاخر يا سامح في العنوان
عندما يكون الانسان بلا قيمه
تكون الحياه نفسها بلا قيمه

shreen يقول...

كلمات مليئه بالشجن يا سامح
تهز الانسان داخليا
تبعث باعماقه قشعريره خاصه
لمن توحد مع هذه الكلمات
لا اعلم حقا
ان كنت تقصد بهذه الكلمات
احداث ابو غريب
فقط مثل صورة البوست
لكنى اشعر انها اكبر من ذلك
وبها العديد من المعانى
التى تنعكس نفسيا على اى انسان
يعيش فى نفس مشاعر سجناء ابو غريب
حتى لو كان حرا فى عالمه الخاص

Unknown يقول...

DayDreaming
اتفق معك في ان قيمة الحياه من قيمة الانسان
اسعدني مرورك


-----------
shreen

لقد أصبتي كبد الحقيقه ياشيرين
فصورة ابو غريب هيه بالفعل صوره رمزيه
وجدت فيها تلخيص لكثير من معاني وصور الزل التي
قد يعيشها المواطن المصري كما اشارت العزيزه كليو
او قد يعيشها البعض منها في تفاصيل حياتة الخاصه
فاينما وجد الذل والهوان ايان كانت صورته واينما وجد مكانه وعلى اي يد فهو يبخس قيمة الانسان
و تفقد الحياة معناها

دكتور حر يقول...

جميل الموضوع يا صاحب الدمعات

يقول الله تعالى

ولقد كرمنا بني آدم
يقول ايضا
لقد خلقنا الإنسان في أحسن تقويم

عندما يفقد الانسان آدميته وكرامته
فلا معنى لعيشه على هذه الدنيا
وإن ظلت فيه الأنفاس تتردد

تحياتي لزيارتك وموضوعك الجميل ودمت بكل خير

وان شاء الله نشوفك على طول

Unknown يقول...

دكتور حر
اهلا بيك في بيتك ومطرحك
ولا حرمنا الله من غالي زيارتك
بالفعل امتهان الانسان لاخيه الانسان لهو استهانه بتكريم الله عز وجل لنا وبالتاكيد سيكون عقاب الله لهم شديد

مدحت محمد يقول...

كلمات مؤلمة حقا
تدعو للبكاء

رحــــيـل يقول...

ايه ده هو انا جيت متأخر قوى كده
ونعم القرابة
هههههههه
سماح بقى ياسامح
سماح مين؟
المهم فعلا المناديل مهمه جدا فى البوست ده
غير ان الكلمات فعلا معبره جدا
الا ان الصوره مرعبة بجد

خالص تحياتى وتقديرى لتميزك وتنوع مواضيعك

dr.Roufy يقول...

عندها..لا تستحق الحياة أن يطلق عليها كلمة...حياة

بوست جميل فعلا

تحياتي

Unknown يقول...


doha
شكرا لمروركم العطر


رحيل وجودك هنا و تعليقك هو المهم
وبعدين ما انا ياما ااجي متاخر..
بالنسبه للصوره احترت كتير في اختيار صورة مناسبه تجمع كل اللي عاوز اقوله
وبعد البحث وجدت هذه الصوره هي من اكثر الصور التي تعبر عن الهوان ليس فقط على يد سجان ولكنها تجسد الهوان في حد ذاته ايان كانت صورته



dr.Roufy
اقدر لك مرورك الكريم وإطرائك العطر

Cleo يقول...

يا واد انت ياحويط :-)

Unknown يقول...

طبعا كليو يفه لسه حاجات كتير مهم نعملها قبل ما يتقبض علينا ;)

غير معرف يقول...

ازيك سامح
واخبار صحتك ايه
هو كل مره اجى الاقى موضوع اصعب من اللى قبله
هو ياترى لسه جارى البحث عنى؟؟؟؟؟

Unknown يقول...

m_y منوره
انا الحمد لله بخير وصحتي بتتحسن
بالنسبه للبحث عنهك فرق الانقاذ فقدت الامل في ايجاد ناجين
وروحوا بيتهم خلاص

السـيد شبـل يقول...

انا اول مرة ادخل على مدونتك... واتمنى ادخل على البورد عندى الاقيك دخلت عندى وقلتلى تعليقك....

فكرة مدونتك ظريفة لكنك مش شايف انه هيكون موقف سلبى شوية لو كلنا اخدنا من عندك مناديل وبدانا ف البكاء

اتمنى ان احنا نشوف حل للراجل اللى مسحوب عالارض ومتهانه كرامته غير ان احنا نعيط

بس بجد المدونة اكتر من رائعه واتمنى ان تجفف دمعاتك

Unknown يقول...

السيد شبل
انا سعيد بمرورك
انت ممكن تسحب منديل ومش لازم تعيط
ممكن تتامل الموقف ونفكر مع بعض في حل
والمنديل عينه اهو ينفع وقت عوزه
بالنسبه للراجل دا انا معاك انه مش هيستفيد بحاجه من دموعنا
ولا هيستفيد بحلولنا
انا شايف اانا لازم نشوف حل مش ليه لأ لينا عشان منبقاش في مكانه في يوم
بس للاسف الوقت فات في كل قسم شرطه في مصر ناس مننا بيتعمل فيهم كده واكتر
ربنا يسترها معانا

ELGHNDKLY يقول...

ممكن اسئل حضرتك سؤال
هو مين الى بيخلى الانسان بلا قيمة
سوف تجد الاجابة انة هو الانسا بنفسة
وياريت بلاش نظرة التشائم دى فى الحياة
وابتسم وتاخد منى حلاوة وانا مش عاوز منديل

Unknown يقول...

ELGHNDKLY

الحياة أخي الكريم متقلبه
يوما نعيش اوقات سعيده فيملؤنا التفاؤل
ويوما نجد اخبارا سيئه فلا نجد مفرا من التأثر به

ولست اختلف معك بان من ينزع قيمة الانسان لهو اخوه الانسان
فمن يقتل ويسفك ويكذب و يغتصب ؟؟؟
انهو بالفعل الانسان
ويفعل ذلك في اخيه الانسان
الا ترى معي انا هذا يدعو للتالم
وان دعا للابتسام فهو ابتسام من نوعيه شر البلية ما يضحك
ولا تتعجب ام لم استغرب عندما رأيت

وبعد زياره لمدونتك ورؤيتي لاخر موضوع لك بعنوان
" الباكي "
ارى انك في حاجة للمنديل ربما اكثر مني

شرفتني بمرورك

زُمُرده يقول...

السلام عليكم
كلمات قويه جدا
قشعرتني جداجدا
كلامك في الجون اوي
لما تضيع انسانية الإنسان ميبقاش انسان
يبقى مخلفات عقول ضايعه وقلوب ميته
ياترى مين اللي جاي عليه الدور؟؟

Unknown يقول...

وعليكم السلام يا زمرده
الدور على كل واحد يظلم وينسى ان فيه رب عادل

شكرا لمرورك العطر

klmat يقول...

سامح منديل واحد مش كفايه
انا عايزه ملايه البوست مؤثر
جدا واختياراك للصوره غايه
فى الذكاء زود الاحساس
بالألم والهوان حقيقى يسلم تفكيرك
ماشاء الله عليك
ربنا على الظالم
تحيااااااااااااااتى

Doba يقول...

يعنى انت جاى تقولى دموع لا واجى الاقى فى كل حتة دموع واهات والام وجراح

انا بعمل حملة للدموع ويليها التفاؤل
انت هنا هتعيطنا وخلاص
اله يسامحك بقى
عااااااااااا
عاااااااااا

تحياتى
هبة

Unknown يقول...


klmat
قريب هانزود ملايات للحالات الخاصه بس العدد محدود :)
فعلا ربنا على الظالم امين
شكرا لمرورك




doba
لا للتفاؤل
نو تفاؤل از هير
هير از ريالتي اونلي
والحقيقه ان الواقع مر واللي جي
اسود من السواد
لو عاوزه تتفائلي انت حره بقه

شرفتينا للغايه

3ala asm masr يقول...

وجعتنى أوى كلامك
بجد المتنى

Unknown يقول...

3ala asm masr

رغم ان تألمك يعني اني استطعت ان اوصل الرساله واعبر عما بداخلي
الا انني اسف لما شعرتي به من الم
ولكن اليست الحقيقه اشد ايلاما من مجرد صوره وبضعه كلمات