الأحد، 27 مايو، 2012

تموت مكهرب ولا تموت شارب سم في عصير مانجه



مستحيل ادي صوتي لشفيق.
وفي نفس الوقت مش قادر ادي صوتي تاني للاخوان والاقيهم في البرلمان بيسقفوا للي قال على الثوار بلطجيه وقابضين فلوس وبيضربوا ترامادول وبيسقفوا لما يجي اسم المشير وسقفوا للجنزوري لما قلنالهم عليه لا وبعد كده رجعوا عرفوا اننا صح وان الجنزوري غلط.
يعني حرام نرجع تاني نضطر نختار فصيل بيهرتل في السياسه ولسه عمال يتعلم بالمحاوله والخطا ولما اديله صوتي يتغير ويقول انه معاه اغلبيه الشعب عاوزه.
وهو اصلا الشعب لا عاوزه ولا نيله, هو مش واخد باله اننا اخترناه من باب درء المفاسد وانه اختيار مابين شيئين احلاهما مر.
كان الله في عونا في هذا الاختيار الصعب. ما بين مجرم ومابين واحد شريف بس للاسف مكنش عنده مشكله يسقف ويطبل ويحط ايده ويتفق مع المجرم

السبت، 26 مايو، 2012

خيانة

تاني هانرجع نختار يااخوان يافلول!!


انا مش هانزل تاني انتخب الاخوان لان ضميري مانعني اني اختار فلول, وفي الاخر الاقيهم بيتعاملوا مع الاغلبيه اللي خدوها بمنتهى الغرور وان دا اجماع شعبي عليهم.. وهو لا اجماع ولا نيله هو اختيار ما بين حاجتين كلامها مر, لكن بنختار تاني بمنطق قضى اخف من قضى..
او الاخوان لعبوا سياسه ولعبوا عشان مصر و عملوا تحالف مابين مرسي وصباحي وابو الفتوح, كرئيس ورئيس وزرا ونائب هانزل انتخب.
مكنش مش هقول هانزل انتخب الفلول, بس على الاقل مش هانتخب اصلا.

الثلاثاء، 22 مايو، 2012

حيرة الانتخابات الرئاسية




الواحد مش عاوز يبقه سلبي تجاه الرئاسه بس
المجلس العسكري لو ناوي يسلم السلطه لرئيس وعارف انه هايتحاسب عمره مكان هايعمل مذبحه العباسيه وكشوف عذريه تاني
يعني الواحد متوقع بلاوي وربنا يستر.
لكن ضميري بيقولي ان مهم جدا جدا يكون فيه رئيس منتخب بنسبه شعبيه كبيره وليكي 60 او 70 % عشان لما المجلس العسكري يولع في البلد وننزل ميدان التحرير في الوقت دا يكون فيه قائد ليه شرعيه نعرف نقف وراه ونسانده,
مش زي ايام البرادعي نزلنا نقول يمسك المجلس الرئاسي والمجلس العسكري و باقي القوى قالو لا يفتح الله واشمعنه وباظ الموضوع.
فالرئيس مهم مش عشانه هايقدر يحل حاجه حاليا,لكن عشان نقف وراه لما الطوفان يجي, عشان كده محتاجين رئيس ثوري قوي شجاع. وانا مع ابو الفتوح وحمدين و خالد علي ايهم يكسب كويس
 وربنا يسترها عليكي يامصر


الخميس، 17 مايو، 2012

ريف مصر



ياشعب دمعاتي العظيم
انا مشترك في مسابقه تصوير
محتاج لايك وشير للصوره دي لو عجبتكم 
هي صورة لمنظر طبيعي بكاميرا المبايل بتاعي في الريف المصري 
دا الصورة


دا لينك الصورة
http://www.facebook.com/photo.php?fbid=411841802171285&set=a.411831235505675.91243.250344704987663&type=3
على قد ما تقدرو
مش هوصيكم رشوا على اصحابك بقا وكده
عاوز تتار يعملوا لايك للصورة
عشتم زخرا ياشعب  دمعاتي

ودا لينك المسابقه عشان لو حد حب يشترك وبالتوفيق للجميع
http://www.facebook.com/Kareem.Stores/app_10442206389

بين البايع والشاري حسب الله

اعترف بدءا أني فاشل في الشراء وافشل في البيع .و السبب ابسط من البساطه . ففي الغالب و بدون تعميم " قال يعني دا مش تعميم" عشان ابيع واشتري لاازم اعرف اكذب وعلى قد ما اعرف اكذب اكتر هاكسب اكتر وبدل ما اكسب 10 هاكسب 60 دا بالنسبع للبيع.
طب و الشرا : عشان تشتري كويس لازم تبقه تبيت اي " غتيت " وبالتالي بدل ما التاجر هايكسب 60 هايكسب 20 .
وللاسف البالغ التاسف الماسوف انا لا بعرف اكذب ولا انا تبيت و الصفتين دول تم عجنهم وخبزهم وتقديمهم في طبق اليوم باسم " الفصال " و الفصال غير التفاوض. التفاوض عمليه محترمه غالبا وبقول غالبا لان المفاوضات سمعتها وحشه . انما الفصال فيه يقسم البائع بشتب مامته انه مش طالع ليه اي مكسب. ويقسم الشاري بالطلاق من مراته اللي مش مجوزها اساسا انه شايف البضاعه دي في المحل الاخر باقل من السعر دا. وفي الاخر تتم البيعه ودا راضي ودا راضي ... وانا مش راضي لان مش بعرف اعمل كده. ولان مخي تخين وفشلت في التعلم.
واحد صاحبي تاجر ليه نظرية بتقول ان الشعب المصري بيحيب القرطسه!!!! إزاي ؟؟؟
تبقه الحاجه ب 50 وفيها نسبه ربح معقوله للبائع بس المشكله ان الزبون هيحس انه اتغلب اذا مفاصلش ومنزلش منها 20 او 30 جنيه مش هايستريح . يوقم التاجر يخلي تمنها 80 والزبون يروح ويفاصل وينزل ويروح مبسوك " متقرطس" انه ضحك على التاجر وفاصل ونزل التمن و التاجر مبسوط انه كسب زياده عن الاول ودا راضي ودا راضي بس انا مش راضي .
انا مش بفاصل يعمي هاروح اشتري ام 50 ب 80 وطبعا مستحيل التاجر لما يلاقيني من التوع اللي مش بيفاصل ضميره هيأنبه ويقلل.. بالعكس جدا .. وبالتالي وغصب عني بقيت مشارك في منظومه القرطسه غصبا عني وبدون إرادتي.
السؤال : هللللللللللللل البيع و الشرا موهبه يولد الانسان بها ؟
اعلم جيدا انها شيئ يمن تعلمه وممارسته وعامل المعلومات مهم فلو اعلم السعر الحقيقي للسلعه سيكون الامر محسوم ولكن رغم ذلك بجد اناس موهبين في البيع والشراء بالفطره.
السؤال الثاني: هلللللللل يجب ان يكون البائع والشاري احدهما كاذب و الاخر تبيت لكي تسير المنظومه ؟
الا يوجد بيع وشراء سلس وهادئ وعديم القرطسه
* اتذكر الحاج ماجد اثناء سرده تفاصيل رحلته في الصين انه فوجئ ان لديهم فصالا كما لدينا وان كان مختلف فهو فصال بالنسبه " نسبة الخصم %" ولكن ما يعزيني اننا لسنا وحيدين فالقرطسه اصحبت عالميه ولكن
واخيرا : لما احنا شاطرين قوي كده وبنعرف نبيع ونشتري امال خيبتنا كانت قويه في بيع الغاز و الاراضي و المصانع والشركات ليه ؟