الاثنين، 28 نوفمبر، 2011

ما يحدث في مصر..

نقلا عن حوار بيني وبين صديق..
ما يحدث في مصر..

انت مهندس زراعي ومشارك غفير وشارين حته ارض..

الغفير مهمته يحمي الارض

وانت مهمتك تزرعها

ينفع بقا الغفير يجي يقولك اوبا دا فيه قلق وجماعه بلطجيه هياخدوا الارض, انا مضطر لفتره بس احمي الارض وكمان ازرعها..!!

طبيعي انت هتقوله لا ملكش دعوه بزراعه الارض. انت بس تحميها لان دا اللي بتفهم فيه..

انما مش معنى انك معاك البندقيه انك تعرف تزرعها.. وتقولي اركن في جنب.

واديك بوظتها اساسا والطماطم الدوده كلتها لان حضرتك فاكر انك لما تضرب كل يوم شويه نار الدود هيموت. اهو الدود طلع مبيمتش من ضرب النار ومحصول الطماطم باظ.

ياعم ابوس رجلك خليك احمي الارض وانا مهندس زراعي هزرعها.

دا مختصر الوضع. المجلس يمشي معناها يحمي البلد لان دي شغلته اللي بيفهم فيها.

واحنا المدنين نحكم لان دي شغلتنا اللي نفهم فيها.

انما نلبس طواقي بعض.. الشعب كله هايلبس والتعلب المكار هياخد الارض واحنا مساكين في خناق بعض..

جبتش انا سيره بقا اصلا ان الغفير دا ابنه حرامي.. وابنه اتصل بالبلطجيه عشان يسرقوا الارض ويقسموها مع بعض.. مجبتش بس اديك عرفت.

الاثنين، 21 نوفمبر، 2011

الأحد، 13 نوفمبر، 2011

إياد.. حينما تتجدد الأحلام


قطعا تخيلتك كثيرا
ولكني لم اتوقع ان تكون بهذا الجمال
فأنت في عيني كما البدر
وفعلك في قلبي كما الخيال
جئتني يوم عرفات والناس لله يبتهلوا
فأمطرت السماء لدقائق فرحا والقلب مبتهج
وساعة ألتقت العينان كاني أراني
كأن الزمان قد عاد وعدت أرى طفولتي
اري برائتي.. اري الماضي
وفي ابتسامتك الرقيقة
ارى المستقبل
أدعوك ياربي ان تقر عيني بهذا الصبي
وأن تستعمله فيما تحب وترضى


-----------

فعلا شعور جميل لا يوصف
ويارب يعطي كل محروم
ويرزق الجميع بالخلف الصالح

وهنا هبطل رغي واسيب الصور تتكلم
صور اول مولود لي ابني  إياد