الثلاثاء، 6 نوفمبر 2007

بلوج النكد

بلوج النكد يرحب بكم
بكم دا حاليا هوه أنا
بما ان مفيش غيري أنا
واعوز بالله من كلمة انا عشان انا مش بحب اقول انا كتير
اي حد في نفسه دمعتين عاوز يعيطهم هنا المكان المثالي لك
وبما اني ممن يفعلون ما يقولون
فهابدأ بوصلة العييط الاولى

استنوا

من اجل الحرص على مشاعر اخواننا اللي الحياه عندهم قشطه
و الدنيا في اللذيذ
هانبقه نديهم من ان لاخير جرعه فرفشه
حاجه على ما قسم كده
انا نسيت انا كنت عاوز أعيط ليه
نخليها مره تانيه
هوه يعني العييط هايخلص
طول ما احنا عايشين في مصر عمرنا ما هانبطل بكا
ودي تيجي دي حتى متبقاش مصر

هناك 8 تعليقات:

رحــــيـل يقول...

انا هعلق غلاسه بقى اجبارى حتى لو هتمسح البلوج
شوف بقى حلو البوست الكئيب ده قوى بيجيب معايا
وهتلاقى ناس كتير تشاركك النكد مش تقلق
مش هتعيط لوحدك
انا كمان حالا حالا مخنوقه جدا
وهعيط
شوف متنساش تبقى تجيب مناديل عشان لو الموضوع تطور والعياط زاد
اما بالنسبه لاخوانا اللى الحياه عندهم قشطه
فانا عايزه بس اوضحلك
كل واحد بيقول ان حياته قشطة فى ركن فى حياته مش مقشطه بيخبيه هيطلع ويبان اول ميقرا حاجه نكد هحيس بيه وهيعيط على طول
اهئ اهئ اهئ
المناديل يابنى

Unknown يقول...

دا لوي دراع بقه
على اعتبار يعني ان ي المفروض ادخل ارحب بالضيوف
لا هنا واجب الضيوف شويه بصل نفاذ الرائحه عشان حتى لو جه ومش في نيته يعيط يديها من غير رحمه..
ثم ان المناديل ممنوعه هنا
هنا دموع بلا انتهاء
ولا انقطاع
لا كيلنكس بعد اليوم
وهاحذفه

Alaa Emad يقول...

alf mabrook ya gamil 3la Ur new blog

we insha2Allah ma yeb2ash nakad wala
7aga ya 3am..

we ba3deen ezzay takta2eb we enta tool elnahar we ellel 2a3ed ganby :D

-----------
3la fekra fe hazeh alla7za seaydtak meesda3ny besotak we 3amal te3'any besootak elly shabah soot sha3bola :)

Unknown يقول...

ياعلاء مخصوم منك كومنتين
انت ياجدع مش بتعيط ليه
ثانيا ايه اللغه اللي انت بتكتب بيها دي
لاهي انجليزي على جنب
ولا عربي على جنب
ولا فرانكوا ارابك على جنب ولا اربك انجلو على جنب
يابني انا بيجلي تخولف عقلي من ترجمه اللغه دي
يعني بجد بعيط منها
ثم انت متعرفش ان شعبولا احترف الغناء على ايدي .. وطبيعي التلميذ لازم يتفوق على استاذه
-------
فاصل بكائي ونواصل

Cleo يقول...

انت بتتكلم كمان فى السياسة ومش عاجباك البلد يا %*_@*( ؟؟

وانت بقى شيوعى ولا إخوانجى؟؟

Unknown يقول...

انا من زمان وانا بقول ان ليكي ميول وطنيه ياكليو..

غير معرف يقول...

انا مش داخله اتنكد واللي عندك اعمله مش عشان انا حياتي كلها افراح حاشا لله لكن عشان مستكفيه نكد من بره يعني من الاخر اتوصى بأي حاجه مبهجه وابعد عن رحيل اصل انا عارفاها استاذة نكد وقربت تعبيه في ازايز وتبيعه

Unknown يقول...

DayDreaming منوره الاول طبعا
واحد عصير نكد وصلحه يابني الاستاذه دايدرينج هنا..
اسمحيلي اوضح حاجه
هنا حياتنا هنا تلت فرح تلت حزن وتلت مشكل..
واللي داخل مش قصدنا نعيطه غلاسه لا دا نوع من العلاج النفسي.. على نمط مقوله اللي يشوف بلاوي الناس..
وبعدين رحيل هيه اللي جرت رجلي للوكر دا.. واحنا دخلنا شركه في مشروع تعبئه زجاجات النكد وكله بالنص ففتي فورتي..
خديلك ازازتين بقه وانت ماشيه كدون من البلوج