السبت، 9 أغسطس 2008

علم مصر






اثناء مشاهدتي للعرض
ومع دخول الوفود
وجدتني حانقا للغايه من علم مصر
فليس فيه اي شيئ مميز
بالعكس رايت اكثر من مره العلم يأتي من بعيد واتطلع لرؤية الوفد المصري
فأجد انها دوله اخرى علمها يشبه علم مصر وهم كثر..
وعادت لي أمنيه قديمه
نفسي في علم لمصر لو رأيت قطعه منه أعرفه
مش علم ربع العالم العربي مخمسن معانا فيه


ملحوظتين
* العرض اللي قامت بيه الصين عبقري بكل ما تحمله الكلمة من معنى.. يعني لولا اني مصري وبحب مصر كنت اتمنيت اني ابقه صيني عشان العرض دا :)

* اول ما شفت الوفد المصري حسيت بنوع من الفرحه يغلب عليها قليل من الانشكاح.. نتمنى انهم يرفعوا راسنا ويرجعوا بتنين تلاته كيلو دهب.. دا الدهب غالي وماسك سعر اليومين دول...
انا بفكر اسيب المدونه واحول نشاطي وابقه رياضي واروح الالومبيات واكسب مادليه دهب ولما ارجع مصر اصهرها واعمل منها شبكه معتبره .. بس يارب اللي هجوزها متكنش بتقرا مدونات ;)

هناك 9 تعليقات:

د/اجدع بنوته يقول...

وحتى لو مبتقراش احنا هنبلغها ياكبير

متقلقش احنا اخوات برده

هههههههههههههههه

عايز العلم يبقى شكله ازاى ؟؟

امسكووووووووه

جاسوسسسسسسسسس

ارهابىىىىىىىى

غير منتمىىىىىى

ويارب يشرفونا

رحــــيـل يقول...

طبعا ان قريبتك ومدونه زيك

بس مش تقلق ولا هجيبلها سيره

هههههههههههههههههه

مفيش امل مفشي امل مفيش امل

خلااااااااااااااااص

هو مينفعش طلع فيزا على الصين

فور ايفر فور ايفر

هو انا باين كده اتجننت

ماء تشرين يقول...

اه فعلا هى الرياضه البتاكل عيش قصدى بتجيب دهب اليومين دووول
مع انو الواحد مبقاش بيفرح بأى حاجه فيها مصر ربنا ينصرهم ويرجعو بااى حاجه

رندا يقول...

لعرض اللي قامت بيه الصين عبقري بكل ما تحمله الكلمة من معنى.. يعني لولا اني مصري وبحب مصر كنت اتمنيت اني ابقه صيني عشان العرض دا :)

...................

انت عايز العلم شكلة اية طيب

دة كفايا الصقر الى فى الوسط
ومش عارفة لية باصص على ناحية الشمال شكلة بيبص وراة فى الاصل خايف
حد ياخدة مخالفة ههههه
ومش تقلق خالص على الصين
كل حاجة بقت من الصين
وبعد فترة كلة هيكون صينى رضينا ابينا الكل هيكون صينى ههههه
كل الانتاج بقى صينى هى يعنى جت علينا تحيا مصر
فى عصر الصين العظيمة
هاى هئ

تحياتى

رندا

مصر يا موكوسه .....يا مزارع الكوسه يقول...

بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم

Sara يقول...

العرض عبقري والله وكل حاجة بس تقريبا عرض سول بتاع كاس العالم اللى قبل اللى فات كان في نفس القوة وده رايي

بالنسبة لوفد مصر أول مرة يلبسوا لبس نضيف وده اللى عجبني مع بعض الظقططة زي ماقلت لانهم ذلوا انفاسنا عقبال ماطلعوا :)

زُمُرده يقول...

هههههههههههه

اول مره تكتب من غير دموع
الا ان لسه في دموع خفيه بس بتضحك بسحريه

بقى مش عاجبك علم بلادك اوجاددك وووو
فهماك نفسك في شيء مميز تلقطه العين من ابعد مسافه وتقول هو ده

متقلقش بكره يعملوا مواطن مصري ويختموه ...صنع في الصين
ويصدروه لينا

شوقتني اشوف العرض

ياريتنا نفلح في الرياضه
بس حلوه فكرت الشبكه دي
ده انا هذيعها ع الدش والراديو وابعتها نغمه لحجمهوريه مصر العربيه وما حولها
ههههههههههههههههه

مصر يا موكوسه .....يا مزارع الكوسه يقول...

السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع

دمعاتي يقول...

-------------------
د/ اجدع بنوته
مكنش العشم يادكتوره
هههههههههه

والله بريئ
انا نفسي في علم يشرف ويميز مصر
مش علم عامل زي الشاليهات التايم شير

يااااااااااااااارب يسمع من بقك ويشرفونا
نورتيني
-----------

رحيل

انا ليه واحد صاحبي عايش في الصين ومبسوط هناك
هو بعد ما اكل يجي اربعين كلب وتلت سحالي بالغلط في مطاعم
الحمد لله اتعلم وبقا يعرف الاكل اللي شبه مصر من اكل الصين
ممكن اكلمه يشفلنا عقد عمل هناك

مرحبتين بيك وبجنانك

---------

ماء تشرين
اسمك مميز جدا وان كان غريب على اذني
ما انا نفسي يفرحونا من باب التغيير
عشان بس الواحد ميكرهش كل حاجه
ربنا يعينهم ويعينا
تحياتي

-------

رندا
نفسي في علم يجمع معظم رموز مصر
من اول الفلاح البسيط لحد الاهرمات
بمسلميها ومسيحيها
بناسها من اول سيناء لحد النوبه
علم لما اشوفه احس ان بشوف مصر فيه
تحياتي لك

--------

sara
اه لبسهم كان عسل
صحيح انا حسيت ان بقا عندي 40 سنه على بال ما طلعوا
بس الحمد لله طلعوا
وان شكلهم كتير كده ويفرح
ربنا حميهم
تحياتي لك

------------

زمرده

لا مفيش دموع خالص
ربنا ما يجيب دموع
بالظبط انت فهمتي قصدي من موضوع العلم
اخيرا لقيت حد معايا

انصحك تشوفي العرض مش هاتندمي

اه فكره الشبكه حلوه بس داري على شمعتنا تقيد
اكتمي السر وهانقسم ففتي فورتي
انا 90 % وانت ليكي كل الباقي بحاله
ايه رايك
منوره