السبت، 16 أغسطس 2008

إعمار الأرض






من أكثر الأشياء المتعبه و المثيره في نفس الوقت هو التفكير في ماهية الدنيا و طبيعة " التاسك " المطلوبه مننا فيها، ولما أحببت ذات يوم أن اتفلسف على نفسي وأضعها في

مذنق كما يقولون، قلت لنفسي ان التاسك المطلوبه مننا هي اعمار الارض.

هكذا قال الله رب العالمين وهكذا اخبرنا في كتابه الكريم..

ولكن هل استراحت نفسي ؟

هل اكتفت بالاجابه ؟

كالعاده نط الفيلسوف "البلت ان " بداخلي ليطرح عدة نقاط للمناقشه..

مهو فاضي وجيلي انا بقه :)

وسالني ما هو تحديدا اعمار الارض .. ؟ هل اعمارها بالذرية ؟

ام بالعلم ؟ ام باكتشاف باطن الارض وداخل الماء و ملامسة اطراف الفضاء ؟

ولو عرفنا تحديدا ما هو اعمار الارض .. متى تنتهي المهمه .. ؟ متى يعلم البشر تحديدا انه الان وفي هذه اللحظه وبعد اكتشاف هذا البحث العلمي او الوصول لعدد10 مليار ساكن الان نعلن انتهاء تاسك اعمار الارض ..!!؟

داخلي شيئ يقول لي ان مهمة اعمار الارض ستنتهي النفخ في الصور سواء كنا انتهينا او لا ؟

بل سواء كنا اكتشفنا ما هو اعمار الارض ام لا ..

ولكني لست في حيرة مطلقة فداخلي هاتف يخبرني ان اعمار الارض بالنسبه لي كفرد هو اعمار نفسي ..

ان انجح اجتهد وابحث واتعلم واعلم هو نوع من الاعمار الداخلي ومترتب عليه بالضروره اعمار جزء من الارض.

وهكذا فان كل شخص ينجح فهو في نفس الوقت اصاب جزءا من اعمار الارض..

والله أعلم


هناك 22 تعليقًا:

رحــــيـل يقول...

والله ياسامح مانا عارفه
المشكله بقى لما يكون الواحد اصلا مش قادر يعمل حاجه لنفسه
يعمل للكون ازاى وهيصلح ازاى ويعمر ازاى

؟؟؟؟؟؟؟؟؟؟
معلش طالبه كابه معايا

ماء تشرين يقول...

لا هو الاعمار الحقيقى مش بس نخلف ونجيب ولاد فقدين للهويه والدين ضايعين اساسا وبالله عليك ده يبقه اعمار لا طبعا الاعمار الحقيقى هو اننا نجيب ولاد يعبدو ربنا وماخلقت الجن والانس الا ليعبدون ياعنى هو ده فكر الاعمار الحق مش عدد في اللمون على راى المصرين
وياسيدى سيب الفيلسوف يسأل براحتو اساسا اسلمنا عمرو مكان بيحجر على السؤال لانو هو الطريق الى الله يارب اكون وضحت شويه على قدى كده
موضوع شيق ومبدع بجد
تحياتى

مصر يا موكوسه .....يا مزارع الكوسه يقول...

انا مع رحيل جداااااا
الانسان اللى ميعرفش يعمل حاجه ليه
مش هيقدر يعمر
وللاسف اصبح الغالبيه العظمى كده

ساعد نسرين الايمن يقول...

العزيز سامح

اعمار ؟
نعمر ؟
تعمير ؟
بالله عليكي تعرف كم واحد عايش حياته طبقا لده
من بيول انا من مسئوليتي انني اعمركذا او كذا

للاسف لا احد يفكر هكذا حاليا
شبابنا بيقول نعمر
يقصد نعمر الطاسة
يعني نحشحش

التعمير
اقتصر علي تعمير السلاح بالقذائف
لمزيد من التدمير

للاسف يا صديقي العزيز
الناس اللي بتخرب فب الكون
اكثر بكتير جدا
بكثيرا جدا جدا جدا
من اللي بيحالوا يفكروا يعمروا

اعجبتني مدونتك
شكرا لك

دمعاتي يقول...

رحيل

احيانا يتخيل الانسان انه عاجز
ولكن مهما طالنا الياس
فهناك حقيقه انهاطالما هناك أنفاس تجري في الصدر
فمازال هناك ما يمكن فعله

انا لم اطالب بتعمير الكون انا فقط كنت اتسائل عن ما هيته
وعندي اقتناع داخلي اني لو ساعدت نفسي ونجحت فانا قمت بدوري في اعمار الكون

فحاولي التركيز على نفسك فهي من ستحاسبي عليها

دمعاتي يقول...

ماء تشرين

بالتاكيد عزيزتي ليست الفكره في عدد سكان الارض
فما اكثرهم وسيظل على حسب معتقدنا اكثر الناس في ضلال
فدائما الشر أقوى وأكثر عددا وأكثرا إغواء
ولهذا فالخير مهمته صعبه وليست هينه ولكن هكذا تكون الاختبارات

اتفق معك أيضا ان اسلامنا دين روحي وعقلي
يخاطب المنطق والعقل
ويفحمك بالحجة و البرهان
فما فائدة أن أومن بالله ظاهريا ومن داخلي لست مقتنعا

تحياتي لك

دمعاتي يقول...

مصر ياموكوسه يامزارع الكوسه

بالتاكيد ياعزيتي فاقد الشيئ لا يعطيه

ولكن هل هناك فعلا من هو فاقد لكل شيئ

لا اعتقد
النفس تهوى ان تقنع نفسها انها لا تملك مقومات النجاح فقط لتعطي لصاحبها مبرر للفشل
فيصبح في نظر مجني عليه بدلا من مقصر

النفس تحتاج للعناد والا غلبتنا
تحياتي لك

دمعاتي يقول...

ساعد نسرين الايمن

نورتني زيارتك

لا أستطيع انكار ما وصل اليه شبابنا
من تدهور في معظم امور حياتهم

فلا هدف ولا مسؤليه
ولا حلم ولا أمل

نستطيع كتابة مئات الصفحات في لن اقول جلد الذات بل في واقعنا المؤلم الحقيقي

ولكن قبل أن أدخل عالم التدوين لم تكن لدي مبررات قويه لان ارى في الصوره جانبها المضئ

اما الان وقد تعرفت على جانب اخر من شباب مصر
شباب يمسك بالقلم بدل السيجاره
شباب يقرا الشعر بدل من قراة تفاصيل حياة فنان تافه
شباب لديه حلم وامل
لن اقول لك ان الصوره اصبحت ورديه في نظري ولكن على الاقل لم تستمر على سوداويتها السابقه

فهناك أمل
على الاقل ما افسدته المدارس و الجامعات في الجيل
الان يحاول تعويضه من خلال التدوين
وربما يوما ما سنرى بارقة أمل فيهم
ونرى منهم من يحمل لواء التغيير للأفضل

كل الود لك

appy يقول...

اعمار الارض عن طريق المجتمع والمنظومه ككل بجد مش فرد
وايه الهاتف اللى جالك ده موبينل ولا انتصالات
اصلى حودا فون ههههههههههههههههه

كريم بهي يقول...

اعمار الارض
اسم حلو عجبنى يا سامح
بس مافيش حاجة اسمها اعمار انسان للارض
اتوقع يعنى ان الانسان اصله مخرب
ولاولاد مش كل حاجة المهم يعملوا حاجةاويبقوا عارفين يعملوا حاجة
وبعدين لازم نعمر نفسينا الاول
ثن نعمر اللى حولينا
ثم نعمر بلادنا
ثم
ثم
-
-
-
وهكذا يعنى
بس تعرف موضوعك جميل اوي والله
بيعجبنى التفكير المختلف المميز
يحيا قلمك ودماغك
اتمنى نبقى اصحاب

كريم بهي
ابقى تعالى وزورينى

الإتربي اللولبي يقول...

هو تقريبا و الله أعلم إعمار الأرض هو إنك تتوكل على الله و تبحث عن كل جديد في خدمة كل من يأتي من بعدك لكي تستمر منظومة التطور الإنساني على هذا الكوكب

هذا و بالله التوفيق و الله و رسوله أعلم

بس حلوه حكاية فيلسوف "بلت إن" دي

جديدة

إن شاء الله هاينزلوا "أنتي فلسف" جديد لأمثالنا من الفلاسفة

تحياتي يا عم سامح

سلام عليكم

Sara يقول...

نفس مبدأي برضه والتفكير بتاعي

أنا شايفة ان الانسان لو ابتدي بنفسه كل شيء هايتصلح لان جزء من اصلاح النفس الرغبة في فعل الصواب وبالتالى اكيد هاياثر على حواليه وعلى المجتمع ككل

شكرا على الموضوع الجميل اللى من غير مناديل :)

مدحت محمد يقول...

طبعا الاصلاح يبدأ من هنا

من النفس اقصد



كل سنة وحضرتك طيب ورمضان كريم

دمعاتي يقول...

appy
مختلفناش
انت شايفه الاصلاح من فوق
انا شايفه من تحت
الفرق مش كبير
:)
ما انا برضه ياأختي في الله حودا فون
ورقمي 6644553355588 ابقي رني عليه بس متطوليش عشان هافتح
ههههههههههههههه
نورتيني
----------------
كريم بهي
تمام ياكريم
انا شايف كده زيك
ان لو كل واحد عمر نفسه
من هنا يبدا الاصلاح

وانا يسعدني اني اكون صديقك
خالص تحياتي
وليك زياره اكيد ياجميل

-----------

مييييييييييين الاتربي اللولبي بنفسه
ياالف نهار ابيض
اي نعم او مره اتقابلنا ادتني حته كومنت في العضل
بس انا كنت مبسوط بيه برضه
حاكم الفلفسوف البلت ان دا
لازم يلاقي جانب ايجابي في يا شيئ حتى لو سلبي من ساسه لراسه

انا مش قلقان من موضوع الانتي فلسلف دا لان خلاص
احنا عدت معانا
وبقينا ماركه مسجله يعني تريد مارك بالفرنساوي

نورتني ياعم اتربي بالزياره الجميله دي
وعليكم السلام ورحمة الله وبركاته

------------

sara

جميل ان الانسان يلاقي حد قريب من تفكيره
عن نفسي بحس ساعتها بنوع من الاطمئنان الداخلي
بقول لنفسي على الاقل لست وحيدا

انا اللي شاكر ليك مرورك ياساره
ومتخافيش مش كل مره المناديل عشان الدموع
احيانا بتبقه هدايا توزع مجانا
وكده كده مفيده
في البرد عشان الانفلونزا
وفي الحر عشان العرق
يعني كلها فوايد
تحياتي

---------

مدحت محمد

بالتاكيد يامدحت
لو صلحت النفس
فهنا خامة الانسان الاوليه
فعلا لو صلحت لصلح الباقي
وكل سنه وانت طيب ورمضان كريم علينا كلنا

ربنا يبارك فيك
تحياتي

خديجة محسن "لؤلؤة الاسلام" يقول...

ما شاء اله موضوع رائع
و فعلا احنا لازم نفوق و نعمر الارض و نشوف المهمة اللى احنا اتخلقنا ليها
و جزاكم اله خيرا
تحياااااتى
رمضان كريم

!!! عارفة ... مش عارف ليه يقول...

اعتقد أن الفيلسوف جواب على السؤال
وإن كل واحد فينا لبنة في الوصول لإعمار الأرض
وده من منطلق الحديث القدسي
فيما معناه
"كلكم راع ولك راع مسئول عن رعيته"
ومن هنا كل واحد يعتبر ترس بيكمل دور التروس اللي قبله ويوصل للتروس اللي بعده

تحياتي
وليد

همسة يقول...

فعلا عندك حق إكتشاف الذات وتنمية موهبها جزء من إعمار الارض وهذا ما خلقنا من أجلة
حقا تدوينة رائعة
ابقوا زورونا فى همسة صيدلانية

رندا يقول...

كل عام وحضرتك بالف خير

ربنا يسعدك ويبارك فيك
وفى عائلتك الكريمة

اختك

رندا

!!! عارفة ... مش عارف ليه يقول...

كل عام وأنتم بخير

اللهم تقبل منا صيامنا وقيامنا وركوعنا وسجودنا

رمضان كريم
وليد

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

دمعاتي يقول...

خديجة محسن "لؤلؤة الاسلام"

جزاك الله خير
الحقيقه انا كنت بتسال ما هو اعمار الارض اكثر من مطالبتي بالاعمار

تحياتي لك
ورمضان كريم

---------

عارفه.. مش عارف ليه

اتفق معك فيما ترمي اليه
بالتاكيد كل منا يتحمل مسؤليه عن نفسه
و فالمجموع هذه المسؤليه تؤثر على الارض ككل
تحياتي لك


----------

همسه

اكتشاف الذات وتنمية مواهبها
بالتاكيد هي مسؤليه يمكن للانسان ان يحاسب عليها
فهو امتلك الجسد و متلك الادوات
بينما اعمار الارض كلمه عامه وموضوع ضخم صعب جدا حساب شخص واحد عليها

يسعدني بالقطع زيارتك

-----------

رندا
كل سنه وانت طيبه
و يعيد عليك الايام بخير اختي الكريمه

-----------

و انت طيب وبخير يااستاذ وليد

----------
نهر الحب
امين
جزاك الله خير على دعائك الكريم

زُمُرده يقول...

عارف يا سامح

ساعات الافكار بتاخدنا في طريق يمكن يوصلنا ويمكن يتوهنا
يمكن يريحنا ويمكن يشككنا

حسب ايمانا وثبوته
بس في رأيي ان اعمار الارض بيبتدي من التربه اللي جوانا
من ارواحنا وانفسنا وطريقه تفكرينا

ودي اللي لو وعمرناها صح الصح بجد هنقدر نخرج من جوانا ونطور ونتعلم ونعلم ونبني ونصلح ونكتشف

ابدأ بنفس علمها واصلحها وسيب البذور تنمو
وهتلاقي الثمرة جميله

ووقتها انشر بذور لقاحك ع الكون وانتشر وعمرها على اساس مبني من قرب من ربنا باليقين ووالعلم وهتلاقي الطريق منور ووااضح

رمضان كريم