الجمعة، 25 يوليو 2008

هل من مزيد





الانسان يولد وداخله شغف للمزيد
هذا المزيد و الشغف الخاص به هو المحرك لنا كبشر نعيش
وهو المميز لنا عن غيرنا من الكائنات
فهي اكتفت بما هو موجود ومتاح
ولكن الانسان يسعى دائما للمزيد
فيبحث ويعمل ويفكر ويسافر بحثا عن المزيد
وليس هذا في مطلقه شرا او خيرا
يختلف هذا تبعا لنوع المزيد ووسيلتك لتحقيقه
فبعضنا يسعى لمزيد من المال واخر من النساء واخر من العلم واخر من الايمان واخر من الاولاد

واخر من الحكم والتحكم واخر من الشهره والجاه وزكثيرا منا يسعى لتشكيله من هذا وذاك.
هذا بالنسبه لنوع المزيد
اما بالنسبه لطريقه الحصول عليه فبعضنا يسعى بالجهد واخر بالنصب وذلك بالصبر و هذا بالتسلق
تختلف وسائلنا وتختلف رغباتنا
وفي النهايه لا يبقى للانسان من مزيده الذي جمعه شيئ
ياخذ جلده وعظامه الى القبر .. حتى لحمه وشحمه الذي اطعمه وسقاه لا يصبح ملكا له بعد الان
ولا يبقى له من مزيده غير لماذا جمعه وكيف
ورغم ادراكي لمهية المزيد
فأنا نفسي مازلت أرغب في المزيد

هناك 14 تعليقًا:

رحــــيـل يقول...

بعد اذنك بس كده
لولولولولولولولولو
لولولولولولولولولىىىىى
كفايه كده بقى لما اروح اقرا

رحــــيـل يقول...

اان ايضا ارغب فى المزيد

بس عارفه ايه المشكله ان احنا بندور على المزيد ده اى ان كان من اجل الراحه والسعاده اللى بنسعى ليها
بس دايما بنحس ان احنا بنجرى ورا سراب كل لما نقرب ليه يبعد
عارف ليه
عشان الدنيا اصلا مش بتدى لحد اللى هو عايزه
مهما نطلب بتعاند معانا
عادى مبقتش فارقه كتييييييييييير

عودا حميدا ياباشا

Unique يقول...

everyone needs more

رائع .. تحياتي

زُمُرده يقول...

المزيد والمزيد والمزيد

هناك مقوله لا اذكرها ولكن تفيد بان طالب العلم ووالمال هم من لا يكتفوا من المزيد

يمكن كان زمان
بس اعتقد ان لسه في ناس بتكتفي
وهي دي بدايه رحله السعاده
اللي اول خطوه فيها هي الرضا

اسعى واسعى للمزيد والمزيد
لكن
لكن دون ان تفقد متعه ما اصبح في يدك
فكثيرا من الناس تنهم وتنهم ولا تتمتع بما لديها ولا تجيد استخدام ما تملكه
ولا توظفه بالشكل الصحيح

تُرى لو كل منا تذكر انه لن ياخد سوى عظامه اللي لن تلبث ان تتحلل
ويتحول لذكرى مهما دامت ستنتهي

تُرى هل سيكون النهم والرغبه في المزيد بنفس الشكل والكيف والطريقه؟؟

اعتقد ان الحسنات وحدها ما يجب ان نطلب المزيد والمزيد وبكل الوسائل

فتلك الباقيه رغم تحلل كل شيء ..حتى الذكرى

دمعاتي يقول...

رحيل
نردهالك يوم ما نفرح بيك كده ان شاء الله
الدنيا مش مجرد انها مش بتدي حد اللي هوه عاوزه
لا عطائها يمكن اكبر من احتياجات البشر
فعشان كده في دايما جديد عند الدنيا ممكن نبص ليه ونحتاجه



--------

Unique

شكرا لك
خالص تحياتي


----------

زمرده
بالقطع
اذا ملك الانسان مزيدا من الرضا
ملك الدنيا بين يديه
فمهما كان ما في يده قليل فسيكفيه ويفيض
وتلك نعمة الرضا
يارب انعم علينا بها عن حق

تحياتي

د/اجدع بنوته يقول...

الشغف ده

هو روح المعرفه البشريه

تحياتى

sa7arkash يقول...

جميل اوى الموضوع دة ..وعرضك لة مبسط وغنى فى ذات الوقت...تحياتى وآتنا بالمزيد

دمعاتي يقول...

د. اجدع بنوته
بالفعل هذا الشغف هو ما يحرك الانسان لكي يعرف اكثر
عن نفسه وعما يحيط به
تحياتي



-----------


Sa7arkash
شكرا لك
ان شاء الله ربنا يديم التواصل

عاليا حليم يقول...

طلب المزيد السعي وراءه فيما فيه خير للبشرية جميل لكن القبيح السعي راء المزيد فيما لا ينفع إو ربما يضر

appy يقول...

كلنا بنرغب فيه
بس درجه استيعابنا للى بنتلاقاه تفتكر عامله ازاى
يعنى لاوزم نركز ولا اهو حاجه خدناها وبس

جوجو يقول...

السلام عليكم

ازيك عامل اييييييييه محدش بيشوفك يعنى

ليك تاج عندى زور المدونة

دمعاتي يقول...

عاليا حليم
بالفعل يختلف الامر حينما يكون الهدف نبيل..
فطلب المزيد من العلم دائما سيكون محمود
وطلب المزيد من التقوى دائما سيظل شيئ يجيب دائما ان نسعى اليه
تحياتي


appy
لحظه واحده ارش ميه قدام المدونه دا انت جايه من كوكب تاني يعني سفر طويل ..

سؤالك غامض شويه..
بس على حسب ما فهمت الناس مش بس بتختلف في رغبتها في المزيد
دي بتختلف في تقديرها للمزيد دا
بمعنى ممكن اتنين كل واحد فيهم ربنا يرزقه مثلا ب مليون جنيه
في واحد هايتعبر ان دا غايه مناه ومعدش عاوز حاجه من الدنيا " بس دا بشكل وقتي لان الانسان بطبعه طماع"
و التاني من البدايه هايعتبر ان المبلغ دا مش كافي لتحقيق احلامه ..لو بيحلم بشقه على النيل وعربيه سبعه ونص متر و انه يجوز نانسي عجرم
فتقبل الناس للنعم بيختلف
نورتينا


جوجو
وعليكم السلام
الحمد لله انا تمام
ازيك انت
انا بختفي وبظهر كل مده عشان بس محدش يطهق مني
تااااااااااااااااااااااج ايييييييييييييييييييييييه
هي اختك مقالتش ليك اني متعقد من التاجات
يارب انا عملت ايه في دنيتي بس
عشان اخلص من تاج يطلع لي التاني :(
حاضر امري لله
وانا اقدر اقول بم

Sara يقول...

فعلا بجد اصعب سؤال ماللى هانتساله عايزين المزيد ليه
لاننا لو عايزينه للخير فاكيد هاتبقى الكيفية خير (ولو انه مش شرط ) بس في الغالب كده
عرضك للموضوع عرض اديب مخضرم :)

دمعاتي يقول...

sara
تحيه على مرورك
فعلا مش شرط كل وسائل الوصول للخير تكون في حد ذاتها خير
واعتقد ان لو تلوثت الوسائل فسيتلوث الهدف تباعا
اشكرك على اطرائك واتمنى ان استحقه
نورتينا