الجمعة، 15 فبراير 2008

دندنة




كل حد فينا بيدندن مع نفسه انا من باب التغيير قلت ادندن معاك
بس ياريت يكون صدركم رحب ومحدش يحدف بالطوب



الكلمات بتقول

صعب أحب تاني ياحب خلاص إنساني مليش غير قلب واحد مقدرش أبيعه تاني

كان نفسي اكملهم بس الالهام وقف لغاية هنا
لو حد لقط خط الالهام وجابت معاه قماش
مرحب بقبول الاقتراحات
ولو ضربت نعملها شريط والمكسب ففتي فورتي
واذا حد معجبتوش الكلمات
اتمنى يعجبه الصوت
معجبوش الصوت
اتمنى يعجبه اللحن
معجبوش اللحن
اتمتى يعجبه التصميم اللي في الاول خالص
معجبوش التصميم
ممكن ادفعله ربع جنيه بحيث يعجبه اي حاجه
عشان منظري قدام نفسي بس




/////////////


حمل البوستر بحجم أكبر

هناك 46 تعليقًا:

DayDreaming يقول...

ايه ده ؟ مين ده؟
كاظم الساهر ده ولا عمرو دياب
شكله كده ايمان البحر درويش
ايه يابني منظمة حقوق الانسان تايهه عنك فين ... يوووووووووه قصدي ستار ميكر يعني:)
ههههههههههه

لا بجد تحفه الصوت رائع واللحن رائع والكلمات رائعه والاداء رائع والتصميم اكتر من رائع

كفايه عليك كده بأه لحد يفتكرني معجبه ولا حاجه

غير معرف يقول...

الكلمات جميله يا سامح
والتصميم جميل
الصوت ما اشتغلش عندى

وممكن تكملها

صعب أحب تاني
ياحب خلاص إنساني
مليش غير قلب واحد
مقدرش أبيعه تاني

الحب الاولانى
خان قلبى
ونسانى

خلانى باعلى صوتى
اقول
مش هحب تانى


وكمل انت بقى

تحياتى

dina يقول...

ههههههههههههههههههههه
طب و الله جو زى العسل...اموت انا فى الدندنة الجماعى دى

سكون الليل يقول...

يسلم ايدك الكلمات جميله واللحن ظريف عقبال لما اشوفك فى القنوات الفضائيه بس اوعى ساعتها تنسى المدونه بتعتك وتنسى انى اول مشجعيك
تحياتى
سكون الليل

رحــــيـل يقول...

سامح
يخرب عقلك

مزاجى زفت بقاله 3 ايام بجد
موتنى من الضحك لما جيت عندك
شوف كل البوست تحفه ولا يهمك طبعا قرايب بقى ولازم اجاملك عشان بس منظرك مش اكتر
ههههههههههههههههه
شربات بجد

Unknown يقول...

اميره
اخجلتم تواضعنا
يعني كده كتير هاخد مقلب في نفسيتي
مرسي وكده


shreen
مرسي متحرمش منك
تصدقي تكملتك ماشيه مع المود ياشيرين
انا هابعتلك الصوت على الميل وراكي وراكي

:)

dina
العسل دا بعض ما عندكم يافندم
بس دندنه جماعي فين
هوه بني ادم واحد بس
لكن انا كنت بحاول اعمل صدى صوت ببرنامج


سكون الليل
تسلميلي انت ياسكون
لا متاخفيش انا مش هنساكم
ولما يستضفوني هابقه اذكركم بالخير
بس انا مش احب الشهره والمجد والتالق الخ الخ
فقري بقه
:)


ساره
موتي من الضحك ليه
هوه انا حاطت شريط نكت
على العموم ياستي اهو بنغير عشان الناس متقلش
كله دموع ونكد
وبعدين شربات ايه بس دا من زوقك
مرسي يارحيل

مدحت محمد يقول...

ههههههههههههههه
اول مرة اضحك فى مدونتك ياشيخ
هات بقى الربع جنيه
هههههههههه
لا بجد والله جميل جدا
من كله
لحن وصوت وكله
ممتاز ياسامح

Unknown يقول...

دوحة
المفروض البوست يخليكم تسرحوا في عوالم من الرومانسيه وتعيطوا
ليه بتضحكوا افهم
لو سمحتم مش عاوز اشوف حد بيضحك
امال انا حاطت المناديل عيائه
بس على كل مرسي على زوقك وتشريفك

سلوى يقول...

صعب أحب تاني ياحب خلاص إنساني مليش غير قلب واحد مقدرش أبيعه تاني

هي صعب يكون لها تكمله
أصلها تعتبر حكمه يا مان

بس بجد جميله
والتصميم حلو أوى
الصوت ما وصلش للأسف

عموما
صعب أحب تاني
ياحب خلاص إنساني
مليش غير قلب واحد
مقدرش أبيعه تاني
أبيعه بعد ما جاني
تايه مزبوح يعاني
صعب أبيعه تاني
صعب أضيعه وأنساه وينساني
ومين هيرجعه لو كنت أنا الجاني
قلبي وبخاف عليه وأحميه بكياني
لو حتى أسيت عليه وحبسته بقضباني
لكن أحب تاني .. وأبيعه تاني
أنسى يا حب وانساني

************
معلش بقى أصلى مش أد كده في العاميه
المهم
لو كنت أعرف القصه كنت ترجمتها
ماعلينا
طولت عليك يا سامح معلش
تحيااااااتي

سلوى يقول...

نسيت أقولك
لو عجبتك كمل دندنه بها

Cleo يقول...

كفااااااااااااية... ماتبسطهااااااااش أكتر من كدة

Empress appy يقول...

حلوة بجد بس انا عاوزة الربع جنيه ههههههههههههههههههههههههه بس الصوت مش اشتغل بجد انما واضح من الكلمات انها هتبقى حلوة عموما اكتب انت وانا هغنى صوتى حلو بس اكتب اغانى من غير حرف الراء علشان انا لدغه ومتضحكشس عليا بقولك اهو

مي بهاء الدين يقول...

أنا سمعت يا سامح وانبسطت

شكلك رومانسي جامد أوييييي

لأ وبتألف كمان

إلى الأمام

وصعب يحب تاني
يا حب خلاص إنساه
مالوش غير قلب واحد
مايقدرش يبيعه تاني
كان غيره أشطر يا حب مش كده؟

:)

عــلاء ســالـــم يقول...

السلام عليكم

الصوت جميل والكلمات جميله
بس اللحن بطيئ شوية

محاولة جيدة
خالص تحياتي

Unknown يقول...

salwa
تصدقي نظرية ياسلوى
وانا اقول يارب مش عارف اجيب تاني كلام ليه
اتارى مفيش كلام تاني يتقال
مرسي على زوقك
بس هل الصوت مشتغلش فوق ومشتغلش داونلوود كمان ؟؟
وبعدين ياسلوى انت لسه عاوزه تعرفي القصه
مش بيقولوا الكتاب بيبان من عنوانه


cleo

دا اقل واجب ياكليو
نورتيني
صحيح سلميلي على توتا


appy
ايه حكايه الصوت
دا انا حطه مره فوق ومره تحت
جربي الداون لوود
عل كل مرسي على تعاطفك معانا
ومفيش ربع جنيه
بالنسبه للغنا
ممكن نعمل دويتو
وانا هاشيل المقاطع اللي بالراء
جينا في جمل يعني
او انا اغني وانت تقولي
تيرارررررررررررررا راااااااااااااااا
اختاري اللي يعجبك


maii bahaa
الحمد لله انك ابتسطي
هاتي اني ربع جنيه بقه
اه والله ياختي انا بشر رومانسيه بس البخت بقه
مرسي على مرورك


علاء سالم
وعليكم السلام
مرسي ياعلاء على كلامك
هيه ليها لحن سريع بس انا كنت بتسلطن على نفسي
:)

سلوى يقول...

الحمد لله الصوت اشتغل

عملت داونلود

بس إنت مش قلت رأيك في التكمله بتاعتي

هي وحشه أوى كده ؟

تحياااااااااتي

Unknown يقول...

مش لما تقولي رايك في الصوت
بس يله هاقدم انا السبت
هيه حلوه ومكمله للمعنى
بس بحاول ادندنها على نفس اللحن مش عارف
:(

سنووايت يقول...

اول زيارة للمدونة مكنتش اعرف ان الموضوع كدا
المرة الجاية هاجيب مناديلي معايا

البداية موفقة بس نصيحة لو عايز تكملها ما تفكرش انك تكملها وهتلاقي الالهام جه لوحده
جو المدونة رغم انه حزين بس حلو

سلوى يقول...

مممممممممممممممم
الصوت واللحن كويس

أهو أنا بقدم السبت برده أحسن مايكونش معاك ربع جنيه فكه

تحيااااااااتي

Rania Lelah يقول...

الصوت اشتغل حلو قوى عندى
و اليكم التعليق
كويس قوى قوى انك لك قلب واحد
و اقترح عليك بلاش تحب تانى ابوس ايدك
ههههههههههه

ملحوظة صغيرة يا ريت محدش ياخد باله منها
الصوت معقول جدا بس غير الاغنية
:)))
تحياتى
و بعدين هو حب دة و لا مصارعة حرة

اسامة يس يقول...

جميل اوي يا سامح بجد الصوت وحتى الكلمات اللي فعلا عايزه تكمل عشان تزيد...
انا سمعتها وبعدين شغلتها تاني ... لاني حسيت فيها بروح ...

دي موهبة جديدة مكنتش اعرف ان تملكها ...
ربنا يوفقك...
دمت بكل ود...
خالص تحياتي

Unknown يقول...

سنووايت
مرسي على الزيارة الغالية
اتمني ان لا تكون الاخيرة


سلوى
ايوه كده خليكي دبلوماسية


رانيا
شكرا على التعليق الوافي
بس انا شكلي مش هاستحمل كتير و هارجع احب تاني
سنة الحياة بقه


أسامة
ربنا يكرمك يااسامه
حقيقي رأيك اعتز بيه
ان شاء الله تكمل باوان
خالص الود

حسن ارابيسك يقول...

الحقيقة
جميلة بجد استمعت اليها كتير حلو اللحن والصوت فيه احساس عالي قوي

انا بدأت فعلا اكمل أبيات لها لعلها تلقى إعجابك
تحياتي

bob يقول...

انا اول مره ادخل المدونه
واما جيت اعلق لاقيتك كاتب وهات منديلك ما تصورش ضحكتنى اوى


اما الاغنيه ميه ميه
الصوت عال العال
والكلمات قطعتنى دموع ذى الحنفيه اللى اتفتحت ومش عارف تكتمها ازاى

وانت بصراحه بكلماتك الصادقه اوى دى جيت ع الجرح اللى بحاول اداويه


مشكور ع ابداعك

وان شاء الله اتابع ف مدونتك وجديدك ويكون معايه دسته مناديل لانى ماكونتش عامله حسابى انى هتاثر للدرجاتى

Unknown يقول...

حسن ارابيسك
شكرا ياابو علي على زوقك
انا مبسوط انها عجبتك
وانا متاكد ان اللي هاتكتبه هيكون جميل ان شاء الله

bob
مهو المناديل يا بوب مش بس عشان العياط مش يمكن بعد الشر حد عنده برد ولا حاجه
بس متتلككيش فيه
انت تلاقيكي اصلا عاوزه تعيطي ومصدقتي
انا شكلي بجد جيت على الجرح
بس انت برضه حنفيات دموعك مكنتش محتاجه واسطه
على العموم
انت طبعا واكيد ولا بد انك نورتيني
واتمنى انها متكنش اخر زياره

مروة الزارع يقول...

الكلمات جامدة بجد

وأدينى هحمل واشوف

فرنسا هانم يقول...

اكتب تعليقين ورا بعض واخد منديلين ؟؟
اولا هى بدايه الاغنيه جميله جدا جدا
وحاول تكمل الكلمات زى ما بدءت بالمقدمه
عموما
انا هبداء بالتحميل
ولو ان معظم التعليقات بتقول ان الصوت مش شغال
انا هاجرب

Unknown يقول...

اولا حمد الله على السلامة
-------------
مليش غير قلب واحد مقدرش أبيعه تاني

الوحى جابلك الى فيه المفيد و اختصر ما وقفش معاك و لا حاجة ايه بعد الجملتين دول يتقال تانى ؟

الدندنة مش عايزة تفتح معايا خالص

Unknown يقول...

مرسي يامروه
يارب تعجبك
ولو انك شكلك حملتي وجريتي
Lol

فرنسا هانم بنت عمي هنا بنفسها
والنبي دا عيد
الصوت اللي فوق لو مش شغال عملت الصوت تحت بيتحمل
عشان الاعطال الفنية


عاليا
الله يسلمك
اخبارك ايه
لو رأيك كده انا موافق يمكن فعلا الوحي جاب المختصر
حملي الاغنيه من الرابط اللي تحت لو مشتغلتش من فوق

عين فى الجنة يقول...

صوتك جميل فعلا بدون مجاملة
وانا ارشح كلمات سلوى لاستكمال الدندنة
برافو عليك

زُمُرده يقول...

ماشاء الله يا عم المتواضع
ساكت على نفسك ازاااااااااااااااااااي

انت تحفه بجد

عارف لو كنت في المجال ده ولو ليا اتصالات بحد مكنتش هسيبك ابدا

الجمله روعه

3ala asm masr يقول...

الكلام حلو واللحن حلو والصوت حلو
يعنى من الاخر كلك على بعضك حلو

فزلوكة يقول...

مع إنه للوهلة الأولى
حسيت إن مووود المدونة حزين
لكن البوست كان غير كده خالص

طبعا أنا لسه مسمعتش لإنه بيحمل

لكن فى كل الأحوال
أنا عايزة الربع جنيه

Unknown يقول...

راجي
ربنا يكرمك دا من زوقك
انا سعيد اني نلك اعجابك
كلمات سلوى فعلا جميله.. شويه امخمخ وبعدين نشتغل

-----------

زمرده
انا مش ساكت.. بس محدش راضي يكتشفني
تحفه اللي هيه حاجه حلوه ولا شتيمه
طب همشيها حاجه حلوه لزوم سلامة نيبة بداية التعارف
يعني هما اللي في المجال هيمسكوا فيه. دا من زوقك بس
انا اصلا متخيليش نفسي بغني وكلام من دا
انا بغني مع نفسي تفاريح
---------------

على اسم مصر

والله انت اللي كلامك زي العسل
كل دا عشاني
دا كتير والله
مرسي بجد على مرورك وكلامك في حقي
------------
فزلوكه
بدانا شغل الفزلكه من اولها
الارباع خلصت
مالوجيتي بدري كنت لحقتي ربع من بتوع زمان
على العموم انا خلاص بقه ليه معجبين وبقيت مغرور
فمجرد ما تحملي الاغنيه وتسمعيها انت اللي هتدفعيلي ربع جنيه
ايه دا انا اتعديت من فزلكتك
Lol
مرسي لمرورك الجميل
ونشوفك في الافراح ان شاء الله

زُمُرده يقول...

****توضيح *****

تحفه = جمييييييييييل جدا
لدرجه انها تتحط في المتحف علشان محدش يستحوز ع الجمال لوحده

وصوتك كده

** توضيح تاني **

دي مش اول مره نتعارف اول ازورك

بس الفتره اللي فاتت كانت صعبه
والله اعلم باللي جايه
**********
اشكرك من قلبي ع التواصل
ووفر المناديل لمره تانيه

او لدور برد
هههههه

Unknown يقول...

انا عارف طبعا انك تقصدي المعنى الحلو
بس كنت بهزر معاكي
بس والله احرجتيني بزوقك
ربنا ما يحرمني من طلتك
اتمنى ان الفتره اللي جايه تمر عليكي بخير وسلام
وتحققي فيها اللي تتمنيه
عشان انت قلقتيني عليكي
وربنا ما يجيب برد

DayDreaming يقول...

ايه يا سامح انت فرحان بصوتك ولا ايه متغيرلنا البوست ده بأه :)احسن كمان شويه مش هنعرف نكلمك

رهف يقول...

اديته حنانى اديته وفى قلبى خبيته
خدمنى عمرى وقلبى وللغدر بأديه باعنى
يازمان انساه وانسانى ده البعيد غدار وانانى

يمكن اكون نشزت شويه
بس بجد كلمات جميله وتصميم اكثر من رائع
تمنياتى لك بالتوفيق الدائم
مع خالص تحياتى

Unknown يقول...

اميره
والله مش عارف من غيرك اعمل ايه
دايما بتفكريني بمعاد البوست الجديد
ابقي خدي منديل زياده وانت خارجه
وبعدين اني متعرفوش تكلموني دي دا كلام برضه
هابقه اخليكم تكلموا مدير اعمالي


رهف
سعيد جدا بمرورك
ومدخلتك
تكلمتك جميله محتاجه شويه موسيقى وهيه تبقه فله
شكرا ليكي

0 يقول...

الكلام لغاية دلوقتى حلو اوى وبسيط جدا وقريب من حاجات ومواقف كتير مننا مر بيها والصوت كمان حلو على فكرة من غير غش

بص لو ده ينفع:
صعب أحب تاني
ياحب خلاص إنساني
مليش غير قلب واحد
مقدرش أبيعه تاني

ناديته بأعلى صوت
ملقتش غير سكوت
ضميته بين احضانى
وزرع فى قلبي شوك

قاسي فى عز ضعفى
وبيحفر جوا جرحى
لآمتى هقدر اتحمل
قلب عمره ما حب
وارجع واعيد سؤالى
هو يستاهل الحب
ولا كفايا على قلبى منه
هقدر استغنى عنه؟
ولا كفاياك ياقلبى
كفاياك هموم وجرح

Empress appy يقول...

انت فين بقالك كتير مش فى الساحه ليه

Unknown يقول...

tayer_ya_hawa

شكرا على مشاركتك

الجزء دا عجبني جدا

"

ناديته بأعلى صوت
ملقتش غير سكوت
ضميته بين احضانى
وزرع فى قلبي شوك
"
ماشي تمام مع اللحن

تحياتي
----------------------
appy
عندي حالة احباط ياأبي
ربنا يعديها على خير
مرسي على سؤلك

0 يقول...

بجد الكلمات عجبتك ده من ذوقك ورقتك انت يارب يكون وش الكلمات عليك حلو وتعمل احلى اغنية ويا ارق لحن
ربنا يوفقك ان شاء الله وشرف ليا ان كلمة واحدة حتى تعجبك مش كذا كلمة كمان
اتمنى لك التوفيق بجد يارب

Unknown يقول...

ربنا يكرمك يايسمين
متحرمش بجد من كلامك الرقيق
دا تقدير اتمنى من ربنا اني بجد اكون استحقه

0 يقول...

ميرسي بجد يا سامح على زيارتك للبلوج بتاعى انت نورتنى.
وطبعا اى حاجة بكتبها مش هتيجي نقطة فى بحر اسلوبك الرقيق وشرف كبير انك تقرا اى حاجة ليا.
وبعدين الكلام اللى بقوله ده مش مجرد كلام لان فعلا اسلوبك فى الكتابة بسيط وله معنى وتحس فيه بالصدق والروح بجد، وصوتك كمان والله حلو
فى الغنا .
واى تعليق بكتبه انت اكبر واعز منه بكتير على ادق ذوقك واخلاقك.
ربنا يوفقك ان شاء الله يا سامح

Unknown يقول...

حقيقي نعمه كبيره من ربنا
ان الاقي تقدير منك بالشكل دا
شكرا يايسمين
متحرمش منك بجد
وربنا يكرمك