الجمعة، 8 فبراير 2008

الأكثر رقة و الأكثر شراسة




ياجماعه الانثى دائما في غالبية المخلوقات هيه الاكثر رقه ووداعه وجمال ولكن هذا ظاهريا فقط
فهي اكثر قدرة على التحمل والصبر واكثر شراسه ولكلا الحالتين حكمه
فالرقه والوداعه والجمال لاجتذاب الذكور
و التحمل والصبر والشراسه لتربيه الابناء وتحمل اعبائهم و الدفاع عنهم
ولنا في انثى الاسد مثال على التحمل والشراسه
وفي الارمله السوداء وهي العنكبوت التي تقتل زوجها بعد التزاوج
وتنتحر بعد وضع البيض لتكون وليمه فيما بعد لصغارها مثال للشراسه والفداء
بالنسبه للجمال
غالبا في الطيور الذكر أجمل
وفي البني ادمين صحيح احنا عساسيل بس الكذب خيبه انتو اعسل مننا
العصافير بقه كده
العصفوره جميله لكن شرسه جدا وقويه جدا
زي المفتريه اللي عندي
اللي اختلفت مع جوزها بعد عشره دامت كتير و اولاد زي الرز وكان مصيره الموت
وانا اتهبشت في مخي وافتكرت انه مات موته طبيعيه ورحت مجوزها لواحد تاني
راحت منقضه عليه " بعد ما مشيت طبعا " وراحت اكلاه من زوره
دخلت عليهم تاني يوم
لقيت الفقيد ممدد في القفص والدم يملأ أرجاء القفص
انا طبعا طيب متخيلتش مثلكم ان العصفوره هيه الي هبرته
قلت ايه ده
فار....... توء
حدايه ......... توء
يكونشي انتحر........توء دا كان باين عليه ميت في ريشها
بصيت ليها جامد
لأجد الدليل على انها القاتله المجرمه
لقيت الدم مالي منقارها ووشها
اعمل ايه الوقتي
ياله مين عاوز اديله العصفوره الوديعه دي هديه
والقفص من عندي كمان كادو
بس انتوا اللي تجوزوها بمعرفتكم مش ناقص اشيل ذنب عصفور تالت
وياريت تجوزها لحاجه ضخمه الجثه عريضة المنكعين مفتولة العضلات شلولخ
حاجه ماتقدرش عليها
غراب ،نسر ، صقر اي حاجه من الحاجات اللي ماليه مركزها دي
ولو اني اشك ان اي حد يستحمل يعيش معاها
فعلا الرجال لهم الجنة

هناك 36 تعليقًا:

د/اجدع بنوته يقول...

هاتها انا موافقه

بس الصوره جامده ومعبره بزياده

جبتها م فين دى

م المتحف المصرى

هههههههه
فعلا احنا اكثرهم رقه

اكثرهم قدره ع تحمل المشاق والالام

بس دى عصفوره مجرمه اوى

اوعى بس تنقض عليك ف يوم م الايام

تجيبك م زورك

تاك كير يعنى

0 يقول...

الله يسامحك يا دمعاتى افندى ده احنا مهيضات الجناح
بس المهم ان بلوجك دمه خفيف بجد
على العموم اتمنى تزور بلوجى وتقرا البوست التانى فيه علشان تعرف وجهة نظر الطرف الاخر
http://tayer-ya-hawa.blogspot.com

Cleo يقول...

أكبر خسارة فى تاريخ الكائنات الريشية إنهم حتى اليوم لم يكتشفوا اختراع أكايس البلاستيك :-)

غير معرف يقول...

يا راجل حرام عليك
هى متقصدش تموته
دى كانت بتزغزغه
بس هو اللى عصفور خرع

هههههههههههه

Rania Lelah يقول...

عموما انا ممك اخدها منك
بس مش هخدها علشان بحبها
هخدها اتعلم منها
عملتها ازى دى :))

تحياتى

Empress appy يقول...

طيب دى اكلته يا راجل انا كان عندى عصفورة بطفشهم لا اعسر لهم على اى أثر متكونش العصفورتين قرايب
بس والله لا مش كله يعنى برضه كان عندى كلبين جريفون الكلبه اكتر اشرس من الكلب ايه ده تصدق كلامك مظبوط ههههههههههههههه

Unknown يقول...

د اجدع بنوته

الصوره قلبت عليها النت
وطلعت عيني عشان امنتجها
اصلها كانت شفتشي شويتين
امعانا في التعبير عن الرقه
بس انا اكتفيت بالقدر المعروض امام حضراتكم

تحبي ابعتلك العصفوره ايميل في في كومنت

Unknown يقول...

tayer_ya_hawa

مرسي يافندم على زوقك
وان شاء الله نردلك الزياره في الافراح و البوستات
قال مهيضات الجناح قال

Unknown يقول...

cleo
هما بيشفوا على الواقف
مش محتاجين اكياس

Unknown يقول...

nirfana

فعلا رجاله خرعه
بس مش معايا انت هزارها تقيل شويه
يعني ممكن بليل اقطع رقبة مراتي واخبيها
في البيت اقولها هاااااه يامراتي ياحبيتي هاديكي بوسه لو عرفتي رقبتك فين

Unknown يقول...

rania
اتقي الله
ودا مين اللي الكره الارضيه اللي عاوز تجوزيه وتعملي فيه كده
ياشيخه اتقوا ربنا في الرجاله بقه
هما عملوا ايه
عشان كل دا

Unknown يقول...

rania
مش هاديهالك يارنيا
انسي

Unknown يقول...

appy
عصفورتك ارق واحن ميت مليون مره
على الاقل بتديله فرصه يعيش
انما دا هرسته
عملته شربه عصافير
ممكن نبادل ياابي
اديكي عصافير وتجيبلي كلب طيوب مكانهم

david santos يقول...

Excellent posting.
Thank you and have a good weekend

DayDreaming يقول...

تلاقي العصفور بتاعك هو اللي عور نفسه وحط دم على منقارها قبل مايموت عشان يلبسهالهامنا عارفاكوا مفتريين وظلمه

غير معرف يقول...

سامح
كلامك صح عن الاناث
بس عصفورتك المفتريه دى
اللى اللى خلاها تقلب على جوزها بعد الوقت ده كله

اولا كلام جد بقى
انا عندى خبره كبيره فى كل الحيوانات وانواع الطيور تقريبا

ولانى مربياهم كلهم تقريبا

قولى عصفورتك دى نوعها ايه؟
وعندها كام سنه؟
وبقى ليها مع العصفور الاولانى ده اد ايه؟

وانا ممكن اساعدك.

وممكن برده اخدها منك.

انا عندى بغبغان اللى هو الرمدى الافريقى

ده يا بنى اول ما جبته
قطع شفتى من وشى ومسكها برجله وقعد ياكلها
فضلت وراة 3 سنين بالصبر والذوق لغايه ما بقينا سمن على عسل اسود

رد لى انت بس على الاسئله بتاعت العصفوره المجنونه دى

مستنيه ردك

رمـــوز الحيـــاه يقول...

بجد احنا مظلومين دايما ........

العصفوره الى عندك اكيد زوجها هو السبب خلاها فى حاله لا يرثى لها وتخرج عن طبيعتها وفطرتها الرقيقه والحنونه لتقدم على فعل لا تحسد عليه واكيد هاتفضل ندمانه عليه طول عمرها بس يستاهلوا لانهم السبب......

وانا من وجهه نظرى ان الانثى عموما تصل لاقصى مراحل الغضب لسبب قوى يدفعها لذلك من جانب الرجل فلذلك هى مظلومه دائما ولكنى لا اعمم هذه القاعده على جميع النساء ..........

حواء يقول...

بقى عصفورة تتجوز صقر ياشيخ حرام عليك ده ياكلها وياكل الجيران اللى حواليها كمان اما رجالة مفترية صحيح

مدحت محمد يقول...

ايوة عندك حق فعلا
شراسة مابعدها شراسة
الرقة دى
تؤتؤ
ده الظاهر بس
واديك شفت العصفورة
الله يكون فى عونا والله
سلام ياسامح

مروة الزارع يقول...

اممممممممممممممممممممم

برضة منكرش ان كلامك مظبوط حبة

احترسوا معشر الذكور

ههههههههههههههههههههه

.

وحياة فراخ ستك ياشيخ ربنا ميوركش فيهم حاجة وحشة

لا تلبس المزة اللى انت حاططها دى
حاجة الدنيا ساقعة عليها

وانا بتكسف

ههههههههههههههههه

:)

رحــــيـل يقول...

هو احنا دايما كده مظلومين

مش عارفه ليه حاسه انك عامل فيها رجدى اباظة ومتحامل وقى على الجنس اللطيف

عيب ياسامح بلاش نتفق عليك

واذا كان علىا لعصفوره افتحلها باب القفص وطيرها ياسيدى

Unknown يقول...

david santos
thanks man
hope that is not your last visit

Unknown يقول...

daydreaming
انا اعرف ان الظالم بيقتل
لكن ظالم ويتقتل عشان يظلم جديده
وبعدين حد قالك اني بربي عصافير من كتائب عز الدين القسام
عشان تعملي عمليات فدائيه
اتقوا الله انتوا بقه

Unknown يقول...

shreen
منوراني والله
كويس ان طلع بينا حاجه مشتركه
انا زيك كده ربيت 90 % من الانواع الحيوانيه و الطيور و الحشرات المعروفه
فكرتيني بالذي مضى

بالنسبه لأسألتك
هيه استرالي عمرهم كان سنه وشويه
عملوا مع حوالي بعض حوالي خمس خلفات ودي كانت السادسه
انا اعتقد بجد ان هيه اتشاكلت معاه عشان مش عوزاه ياكل الزغاليل
احيانا بتحصل وحد فيهم بيبقه عاوز يستاثر بالموضوع دا
بالنسبه للعلاج احب اسمع رايك
بالنسبه لانك تخديها ياعيني ياشرين يوم ما اهاديكي اهاديكي بسفاح قتال قتله
على العموم هيه اصلا فنيتو
مقدرش ادهالك ولا اديها لغيرك خلاص

Unknown يقول...

رموز الحياة
رموز مش عارف اقولك ايه
بس الستات مش رقيقه ولا حاجه
هما بيتسنعوا الرقه
وللاسف بيخيل علينا
لكن جوه كل ست ارهابي صغير
عيناه لوقت العوزه
ربنا يحمينا منكم
هوه انا اتعقدت من شويه
ولا نفسي اتصدت عن الجواز من قليل
انا لو اجوزت هاجوز اتنين
عشان لما انام وحده فيهم تحرسني من التانيه
ولو واحده فيهم اتهبشت في نافوخا تقتل درتها بدل ما تقتلني انا
شفتي احنا غلابه برضه ازاي

Unknown يقول...

bocycat
والنبي انتي اللي طيبه
دا المفروض نجوزها نعامه مش صقر
وهايبقه فيه خوف على النعامه كمان
اصلك مشفتهاش انا كان المفروض اصورها

Unknown يقول...

دوحة
حبيب قلبي
انت اللي فاهمني
من هنا ورايح مش هاننخدع بالرقه
هانتعامل الند للند
وانا اي واحده هاتعملني برقه هاقولها لا ياشيخه
طلعي الساطور يابت
سلام يادوحه وخلي بالك من نفسك

Unknown يقول...

مروة الزراع
وحياة كتاكيت خالتك
المزه دي كانت ملط
وانا اللي طلع عيني البس فيها
مع ان دا اخل بالمعنى اللي عاوز اوصله
وخصوصا الوليه كان شكلها حران
لان كل ما البس فوق
وانزل البس تحت الهدوم تقع في الفوتوشوب
بس دا اقصى حاجه انا وصلت ليها
تحبي احطلكم الصوره الاصليه عشان تعرفي انا لبستها ولا لأ
وبعدين تكسفي ايه ياشيخه
المفروض تكسفي من عمايلكم يامفترسين
مش من وليه لابسه حشمه عن اي فتاة فديو كليب

Unknown يقول...

ra7eel
يادي الاسطوانه المشروخه
مظلومين ايه وبتاع ايه بس
انتو اشوف فيكم يوم
وبعدين انا مش بخاف تتفقوا تتفركشوا مش بيهمني
ورايا رجاله برضه
مش كده يارجاله
ياااااااااااارجاله
احم احم
الرجاله مشوا
انا شايف اني فعلا متحامل يارحيل
انا اسف
اخر مره
العصفوره هاطيرها لاني فعلا ظلمتها لما حبستها
راضيه عني ولا لسه زعلانه

طارق هلال يقول...

حلو البوست ده قوى
-------------
فعلا الشراسة والرقة ضدان فى المرأة
وقد يكون سر اجتماعهما هو الضعف
فالرقة من ضعفها وشراستها من ضعفها أيضا
-------------
بالنسبة للعصفورة
مش ممكن ده نقص حاجة
يعنى عندها مثلا نقص فى العسل فقالت تشرب من دمه الشربات
او عندها نقص فراولة فأفتكرت ان ده عصير فراولة
ما أنت عارف الستات ناق... لا لا مش قصدى
قصدى العصافير نواقص عسل وفراولة
--------------
بهرج يا جماعة...... محدش مستغنى عن عمره

DayDreaming يقول...

ممكن تنزل بوست جديد بأه عشان الصوره اللي انت حاططها في اخر بوست دي مستفذه

Unknown يقول...

arabic id
مرسي على زوقك ياجميل
فعلا خلي بالك من نفسك لتحصل الفقيد


daydreaming
ليه بس
مهي انا لست الوليه وساتره نفسها اهو
والراجل مش فاضل منه غير دماغه
يعني لابس شرعي
وعلى كل ميرضنيش زعلك
هاعصر دماغي وانزل حاجه

حسن ارابيسك يقول...

جميل الموضوع وواضح البحث فيه
لذلك لن أضيف كثيرا غير
ومن العشق ماقتل
وتراجيديا قوي موضوع العصفورتين ده
والقلب مش متحمل
تحياتي

Unknown يقول...

منور ياابو علي
فعلا من العشق ما قتل

Sara يقول...

بص هو مهما حصل هانفضل كده من النقيض للنقيض فينا شراسة وفينا حنية فينا طيبة وفينا لسان طويل في نفس الوقت
لغززززز ومش هايتحل
بس اعتقد يعني ان من غير اللغز ده تبقى في حاجة نقصاكوا
وبالنسبة للعصفور فاعتقد زي ماقالت نيرفانا انه هو اللى خرع
ههههههه وهي استقوت عليه وركبته عاتي بقى غلطته ولازم يتحملها

Unknown يقول...

sara

وشهد شاهد من اهلها
انا مبسوط من صراحتك
كويس انكم معترفين انكم حبة الغاز ملعبكه
يمكن دا اللي بيخلي الراجل يسيب الست ويروح لست تانيه لما يياس من حل الفزوره بيورح يدور على فزروه تانيه اسهل شويه
lol

بالنسبه للعصفور دا جزات اللي يحب
وهوه اكيد اتعلم من غلطته ومش هايعمها تاني


خالص تحياتي