الثلاثاء، 1 يناير 2008

صراخ المؤودة



تم دفنها... الأحاسيس
تصرخ وحيدةً في القبور
تنتظر النفخَ في الصور
مَلّت الموت
واشتاقت للحياة
ليست مجردَ حياة
فهي كانت تعيش كما الأموات
كانت أحاسيسَ بلا إحساس
لم يمكنها فهمُ مثيلتها
عجزت حتى عن بعث الدفء لصاحبها
خبت من دون اشتعال
وأضناها الشوقُ للأشواق
والحنين للحب ونظرات العشاق
ضمرت كما يضمر الساعد متى أضحى لا يُساعد
والآن.. تصرخ من بين أعماق الصخور
وتحت ذرات التراب
ترجوا القاتل أن يرحمها
تُريدُ منه قُبلةَ الحياة
ولكن هل آن الآوان ؟

هناك 45 تعليقًا:

M-Y يقول...

حسبنا الله نفسي ادخل مره ولاقي موضوع المدونه مفرح او مبهج مش زي الايام اللى احنا عيشنها وربنا يصلح الحال يااااااااااااااااااااااارب

Mask يقول...

منوراني يا يارا
اديكي قلتي بنفسك
الايام اللي احنا عايشنها نظامها كده
نجيب منين يعني
اي حاجه كوميدي الوقتي بقت عامله زي الخيال العلمي
وعلى العموم بصي للجانب المشرق بين السطور
;)

ra7eel يقول...

سامح
بجى هنا اعيط
وانا مش ناقصه اساسا

شوف الاحاسيس لو مدفونه من زمان يبقى سيبها الايام كفيله انها تمحيها
اصل هترجع تحييها عشان تيجى تانى تموتها وتعيش تانى لحظات الالم
ولا هو احنا غاوين عكننه وخلاص

بس كلمات حلوه وكئيبه وجميله

يلا بقى نبتدى عد من جديد
هههههههههههههههههههه
متنساش تحسب

خالص تحياتى وتقديرى

Mask يقول...

رحيل
رغم ان الاحاسيس كثيرا ما تسبب لنا الالم و الحيره
الا انه لا غنى عنها
فهي كالعسل نشتهيه حتى ولو كان مرا
اشكرك على مرورك
متقلقيش انا كويس في الحساب

Fantasia يقول...

أنا فعلا محتاجة منديل

أشكرك على هذه الكلمات الكفيلة ببعث الاحاسيس واعادتها نابضة بالحياة
اعجبني التشبيه بين ضمور المشاعر والساعد الذي لا يساعد
فالمشاعر بالفعل هي عضو من اعضاء الانسان
ومن الخطأ اعتبارها شيء مسلم به
فقد يصيبها الضمور كنتيجة لاهمالها أو محاولة وأدها بالقوة
والمشاعر الغليظة هي نوع من الضمور
والانانية هي احدى نتائج هذا الضمور
حين توؤد الاحاسيس يصبح الانسان إما صنم, أو وحش
لكن ما أحلى ان تصرخ الاحاسيس مثتغيثة بصاحبها
وتذكره بانسانيته
يا ليت للاحاسيس ارادة حرة
يا ليتها تملك غريزة البقاء
ليتها لا تودع صاحبها في صمت
فالصمت هو قاتلها
والصمت هو ما يتبقى حين يفنى البشر

خالص تحياتي واعجابي بهذا النص البديع

shreen يقول...

ان فقدنا الاحاسيس
فقدنا ادميتنا
لذا نتمسك باحساسنا دائما
سعيدا كان ام حزينا
دمعه تسقط
او ضحكه تنطلق

تدل على اننا لا زلنا نمتلك احساسا
اننا لا زلنا ادميين

walaa يقول...

فعلا الانسان لما يفتقد الاحاسيس الجميله بداخله يكون حسد بلا روح ويبقى عايش فى الدنيا وخلاص
بس ممكن ترجع مش عارفه ممكن ترجع بنفس القوه ولا لا

تحياتى لك ولاء

Mask يقول...

fantasia

أسعدني كثيرا مرورك الكريم
وتعليقك الثري
ومش خساره فيكي المنديل
انا هاشتري كميه من النوع اللي بتحبيه
عشان تيجي تاني

Mask يقول...

shreen
اتفق مع ان الاحساس هو المرادف لادميتنا
لاحرمنا الله من رقيق الاحساس
لك خالص الود

Mask يقول...

walaa
الاحاسيس كما تموت
يمكن ان تبعث من جديد
عندما يستيقظ الضمير تتولد معه شحنه من الاحاسيس كفيله
بخلق انسان جديد
ولكن استيقاظ الضمير يتطلب حدث كبير يهز كيان الشخص
لكي تحدث المعجزه
دمت بكل خير

klmat يقول...

كل سنه وانت طيب
وسنه سعيده بأذن الله
اجمل حاجه فى الأنسان
الشعور والأحساس
وهى مايميزه
وطالما عندها القدره
على الصراخ بين اعماق
الصخور وذرات التراب
فهى لم تمت وتحاول
النجاه ربنا يهدى
القاتل او يهده
جميل اوى اوى
على قد ماالكلمات حزينه ومؤلمه
على قد ماهى صادقه ورائعه
ماشاء الله عليك

رحيق الحب يقول...

ليه التشاؤم ده الدنيا مش كلها حزن وبكا وانين بالعكس زى ما فيه حاجات وحشة وحزنه فيه برضو حاجات حلوة ومفروض نكون مليانين تفاءل وده من الدين عشان نقدر نعيش
الدموع بتفرج عن البنى آدم بس فيه حدود لازم يكون فيه فيصل عشان نعرف نعيش حياتنا ونواصلها تفاءل .....تفاؤل تفاؤل لسه الحياة قدامك وقدامنا مسيرك هتلاقى احساسيسك ومشاعرك منطلقة لكل الناس تحب بصدق تدى مشاعرك بصدق مسيرها تحيا وتعيش وده بايدك انت مش بايد حد تانى استعين بربنا وربنا يقويك ويقوينا باذن الله

Mask يقول...

klmat
وانت بالصحه و السلامه والخير ان شاء الله
قاتل الاحاسيس ليس دائما انسان شرير
ربما يكون انسان عادي بسيط يقتل احاسيس الحب بداخله
قد يكون له اسبابه
وقد يكون هوه نفسه متألم من قتله لاحاسيسه
ولكن كثيرا هي الاوقات التي لا يكون باليد حيله فيها
لا حرمنا الله من مرورك الكريم اختي كلمات

Mask يقول...

رحيق الحب
لكم أثلجت صدري كلماتك
اشعرتني بالاطمئنان
وبدفء الامل
لك مني جزيل الشكر
على مرورك وكلماتك

غير معرف يقول...

كل سنه وانت طيب دى السنه الحديده عندك ....مستحيل يا راجل بس مرحبا بك فى كابتي المتواضعه
اسمع با....
بتؤلي تعبان
خلاص ندمان
ندمان على ايه تاني
على انى ضيعت معاك زماني
زى ما سمعتك لازم تسمعنى
ان الاوان تعرف ان عمرك ما هترجعنى
اندم الف ندم عليه
احلم بيوم ترجع ليه
بتقول شايفنى حوليك فى كل مكان
دلؤت بس هتحلى معايا الايام
طب كنت فين وانا بشكيلك
وعن مراره بعدك و اساك بحكيلك
هادر انساك وهبعد بعيد
وصدقنى قلبى اكيد كدا سعيد
راحته هلاقيها فى حب تاني
حب يديله كل شئ مش زيك انانى
بتقول قلقان عليه فى بعدك!!!
اطمن انا ارتحت من بعدك!!!

يارب تعجبك
حور العين

Ragi يقول...

عزيزى
لقد آن الاوان فقم انفض عنك الاحزان وتوكل على الله وافرغ كل طاقتك واحزانك فى العمل الى اقصى حدودك وان فشلت فى الاحساس بالتصالح مع نفسك، توجه للرياضة والمجهود البدنى فى الهواء
الطلق
او وهذا هو المضمون دائما تمسك بالصلاة خصوصا فى جوف الليل والصيام
الهدف : ارهاق الجسد لتعلو الروح

Mask يقول...

حور العين


كان مستخبي دا كله فين يارشا
انتو بتزعلوا ليه من الكابه
مع انها هيه اللي بتطلع الاحاسيس الجوانيه
و الكلام الحلو اللي الواحد بيفضل مخبيه
مش بيعرف يطلعه
كلامك جميل حور العين
منوراني دايما
متحرمش منك ابدا

Mask يقول...

ragi
نورتني
وفعلا ان الاون لفعل الكثير

وكل سنه وانت طيب

Salwa يقول...

تم دفنها... الأحاسيس
تصرخ وحيدةً في القبور
تنتظر النفخَ في الصور
مَلّت الموت
واشتاقت للحياة

حلوه فعلا
بس مش عارفه أقول إيه
فيها حاجات كتير

هات منديل هات

عام سعيد
وإن شاء الله تكون سعيد بجد وتقطع المناديل
ويارب يكون كله خير وصحه لك ولكل من حولك

تحياااااااتي

Mask يقول...

salwa
عنددا عجز شديد في المناديل بعد البوست دا
بع كده هابقه ادبر كميه كبيره مع البوستات اللي زي دي
كل سنه وانت طيبه ويعيد عليكي الايام بخير

DayDreaming يقول...

انا بأه عايزه علبة مناديل كبيره من قبل ما ادخل واقرا البوست ما بالك بعد ما قريته


كل سنه وانت طيب ومنكد علينا كده دايما

Mask يقول...

يااميره
هوه الصديق ليه ايه عند صديقه غير انه ينكد عليه وقت الشده
دا حتى الاصدقاء لبعضيهم
ما بالك احنا قرايب
على اي حال مناديل المدونه كلها تحت امرك
وكل عام وانت بخير من غير نكد

أشـيـاءٌ لا تُـشتـرى يقول...

وتحت ذرات التراب
ترجو القاتل أن يرحمها
تُريدُ منه قُبلةَ الحياة
ولكن هل آن الآوان ؟


أعتقد انه طالما سألت هذا السؤال فإن إجابته نعم

طالما لم تعد مهملة منسية فإن من حقها الحياة

Boba يقول...

mask

اهلا وسهلا بيك في بلوجي

Mask يقول...

أشياء لا تشترى
دائما هناك مجال لفرصه اخرى
واعتقد ان الامر يستحق
تحياتي

Mask يقول...

boba
نورتيني

فرنسا هانم يقول...

هات المنديل
لا
هات كل المناديل
علشان القاتل عمره ماهيرحمها
والا
ماكنش بقى قاتل
تحيه لقلمك

Mask يقول...

يافرنسا هانم يااختي
انظري بعين الشفقة والرحمة للقاتل
فربما كان هناك سبب منطقي لارتكابه الجريمه
شرفني كثيرا مرورك

خلود صلاح يقول...

مَلّت الموت
واشتاقت للحياة
ليست مجردَ حياة
فهي كانت تعيش كما الأموات
كانت أحاسيسَ بلا إحساس



هتفضل على طول لعبتها
اكمنك دبت وحبيتها
اكمنك صدقت عنيها
وبأت روحك تجرى عليها
قلبك بأى انتيكة فى بيتها

يا انتيكة

وسط البلد

Salwa يقول...

إتفضل يا سامح

آدي 366دسته منديل
بعدد أيام السنه


وخليك إقتصادي شويه
إيه التبزير ده

إن شاء الله السنه دي
تكون فعلا المناديل خلصت وتوزع على الناس شيكولاته أحسن

تحيااااااااااااااتي

حبة حاجات (ايمان) يقول...

كلام حلو بس مش غامق شويه
تحياتى

زُمُرده يقول...
أزال المؤلف هذا التعليق.
زُمُرده يقول...

طول ما بنحس نبقى عايشين
سوا الاحساس مٌؤلم او مٌفرح

الاحساس هو نبضه الحيّ
بدونه مفيش فرح ولا حزن ولا سعاده ولا بهجه ولا وجع

ساعات بنستعذب الألم والحزن
وساعات بنولد الحزن جوانا
كتير بنقتل مشاعر واحاسيس وبنتقتل وياها
نتألم في صمت ونبكي بدون دموع
ولا قادرين نتركها تعيش ولا مبنتألمش واحنا بنخنق الحياه جواها

بوست جميل جدا جدا
لولا الألم والعذاب مكناش عرفناطعم الفرح والحياه واستمتعنا بيهم

Mask يقول...

خلود صلاح
ربنا يكفينا شر الاناتيك
شكرا لمرورك

Mask يقول...

salwa
ياريت 2008 تبقه سنه سعيده
ولو ان البدايه بالنسبه لي غير مبشره اطلاقا

Mask يقول...

حبة حاجات - ايمان
هوه من نحية غامق فهو اسود طينه
تحياتي

Mask يقول...

زمردة
معاكي حق
لولا الألم والعذاب مكناش عرفنا طعم الفرح والحياه واستمتعنا

بيهم

بس عن نفسي عرفت طعم الفرح والحياه
مش عاوز تاني الم وعذاب عشان اعرف حاجه تاني
كفايه اللي عرفناه

تحياتي

doha يقول...

هات منديل الاول
ولا اقلك مبروك التاج صح
انا ناسى
وبعدين ياسيدى كويس انى فى احاسيس
فى الزمن الصعب ده
وعلى راى رحيل
هى كلمات حلوة وجميلة وكئيبة
كل سنة وانت طيب
وبجد المناديل فى البلد هتخلص بسببك
انت هتعمل ازمة جامدة

Mask يقول...

doha

احنا ماشيين في الخطه صح
المناديل تخلص وتبتدي تتباع في السوق السوده
اقوم انا مطلع الكميه اللي انا نايم عليها
ونكسب دهب
ونقب بقه
اسعدني مرورك خالص تحياتي

Cleo يقول...

منك لله... أشوووووووووووووف فييييييييييييييك يووووووووووووووم أبيض إن شاء الله..

ليه الكلام اللى يصحى الميتين ده؟؟

Mask يقول...

cleo

انا بس اصحى الاول
بعدها ممكن يبقه فيه امل ان الميتين يصحوا

مروة الزارع يقول...

اول مرة ادخل عندك

بس بجد مدونة هايلة

انا هحطها فى المفضلات عندى

هات المنديل بقى

عشان بعيط

عاااااااااااااااااا

عاااااااااااااااااااا

د/اجدع بنوته يقول...

هات منديل بقى الاول كده ..

لا معتقدش ان ان الاوان ..

مش هو اللى هقرر انه خلاص ان الاوان

لازم يكون ف مساعادات اخرى علشان تجبره يقرر ان ان الاوان

نايس ووردس

Mask يقول...

مروه الزراع

شكرا ليك يامروه على زيارتك وكلامك الرقيق

وان شاء الله نردهالك في الافراح قصدي في البوستات

عيطي براحتك البكا علاج نفسي كتير مش طيلينه

Mask يقول...

د اجدع بنوته

اتفضلي المناديل اولا كده

تصدقي عندك حق
فعلا هوه من نفسه صعب عليه يسمح لاحاسيسه تحس تاني
مطلوب مساعده خارجيه تشجعه وتطمنه
ان احاسيسه مش هاتنجرح
ومش هاتتبهدل

بس بقه مين يساعد !!

خالص الود