السبت، 8 ديسمبر 2007

القلب مستودع الذكريات


اختلفوا أين يوجد الحب

وأين تستقر الذكريات

أفي طيات العقل ؟

أم بين دقات قلب يعشق الخفقان؟

قال البعض الحب في القلب و العشق عشق قلب لقلب

وقال اخرون إذا بدلت قلب مكان قلب سيظل الحبيب ملؤ العقل و القلب

-----------

فعلا هذا جدل موجود ولكل رأي هناك مؤيدون

وفي برنامج شاهدته على الجزيرة الوثائقية أمس بنفس العنوان

كان رأي أطباء جراحة القلب أن القلب مجرد مضخة وفقط..

وعلى النقيض ذكروا عدة أمثلة لحالات تم زرع قلب لها

وحدث فعلا تغيير طفيف في الشخصية

فاصبحوا يحبون موسيقى معينة وأطعمة معينة لم يألفوها من قبل أو يستسيغوها

وبالدراسه وجدوا عن التفضيلات الجديدة إنما هي كانت لدى صاحب القلب الأصلي ...

إن الأمر فعلا محير

في الوقت الذي في رأيي الشخصي أن المشاعر و الذاكرة

والحب كل هذا مرتبط ومخزون في العقل

إلا إنني لا أستطيع أن أنكر إحساسي بأن للقلب صلة كبيرة بالأمر

ربما يكون هارودير الحب والذاكرة في العقل

لكن السوفت ويير كله في القلب :)

----------

أكثر ما أسعدني للغاية هو رؤيتي للطبيب مجدي يعقوب

لما رأيته في البرنامج أحسست بفرحه مكتومه

ببصيص أمل في اخر النفق الذي نعيش فيه

وأحسست أيضا بأن المشكلة ليست فينا..

فمن خرجوا " خلعوا " أصبح لهم شأن ومكان

ومن كُبلوا وقُيدوا وأجبروا على السير ضمن

التروس الكئيبة و البطيئة و التي تسير أصلا للوراء تعرفون ما حل بهم

------

ربما هناك بارقة أمل.. طالما نحب

أيان كان مكان الحب كان العقل أم في القلب

فالحب دائما يعطيك سببا للحياة

هناك 37 تعليقًا:

دكتور حر يقول...

كثيرا ما احترت حقا في هذا الأمر

بل وقد احترت ايضا في كينونة الحب

حتى وجدت في القرآن
قد شغفها حبا

وجدت في الاحاديث لمشاعر القلب

يامقلب القلوب ثبت قلبي على دينك

وكثير من الدلالات على ان هناك حقا فارق ما بين القلب كمضغه والقلب بالكينونة الأخرى التي أبدعت في ذكرها

وهل يؤلم حياتنا الا جراح القلوب

الحب معنى عال
يا رب ما نتجرح فيه

بوست جميل
تحياتي

Unknown يقول...

الحب هو أسمى ما في الوجود
ليس فقط حب العشاق
بل الحب كمفهوم عام
من أول حب الله
لحب الانسان لاخيه الانسان باختلاف صلاتهم
لحب الحياة نفسها ولكوننا احياء
أشكرك على مرورك العطر

مدحت محمد يقول...

انا برضه يااستاذى من مؤيدى القلب
فى الموضوع ده بالذات
وكمان فى حديث لسيدنا النبى
بيقول
ان فى الجسد مضغه
لو صلحت صلح اجسد كله
وان فسدت فسد الجسد كله
الا وهى القلب
فاعتقد انى القلب هو المتحكم الاول فى الانسان مش عقله
العقل اداة بيشغلها القلب
هتختلف معايا اكيد
بس انا اعتقد انى حبك لشىء بيخليك تفكر فيه
وحبك لربك بيخليك تذكره كتير
الحب يعطيك سببا للحياة
بتفق معاك جدا
جدا
والدتور مجدى خلع
ههههه
والله عندك حق فعلا
تحياتى ليك

Unknown يقول...

doha
كون العلماء للحظه دي بيدرسوا الموضوع فلم يتم الفصل فيه
بالتاكيد القلب له دور
بس طبيعة الدور دا ايه بالظبط
وايه حدود وظيفته التانيه الخاصه بالمشاعر الله اعلم
بس الاكيد انه مش مجرد مضخه
ممكن ميكنش هوه بتاع المشاعر انما مثلا ترمومتر المشاعر
يجوز
بس الاكيد
انك نورتني

ana ga3an يقول...

كنت قريت مرة مقال بيكلم علي الموضوع دة بيقول
ان كل خلية في أجزاء جسمنا تحتوي على معلومات عن شخصياتنا وتاريخنا، بل لها الفكر الخاص بها ، مما يؤدي عند
زراعة عضو من شخص الى شخص آخر فانه مع انتقال العضو؛ تقوم الخلايا من الشخص الأول بحمل ذاكرتها المخزنة إلى
الجسم الثاني. الدليل على هذه الظاهرة يتزايد مع تزايد الأعضاء المزروعة مما دفع بعض العلماء الى بحث هذه الظاهرة بعمق
لست متاكدا من صحة الكلام دة
لكن ربنا قادر علي كل شيء
تحياتي

Unknown يقول...

انا جعان هنا بنفسه
ربنا يطعمك ما يجوعك ابدا يااخويا
دا انت حبيبي من ايام امن الدوله :)

فعلا كلامك بينطبق على حالة نقل القلب
فالمنقول ليهم سبت علميا اكتسابهم صفات جديده
لكن لا اعرف مدى انطباق ذلك على باقي الاعضاء

نورتي والله

سلوى يقول...

ربما يكون هارودير الحب والذاكرة في العقل

لكن السوفت ويير كله في القلب :)

تشبيه جميل جدا


وأرى أن القلب له دور رئيسي

فالقلوب دائما هي موضع اختبار

وتكررت كلمه القلب في القرآن والأحاديث كثيرا

وتجد النصيحه بان تستفتي قلبك

القلوب شئ كبير ويتسع لأحاسيس كثيره
اليها ينظر الله

فالله لا ينظر لصورنا أو أجسامنا
ولكن ينظر لقلوبنا وأعمالنا

بجد بوست جميل جدا
وفقك الله
وشكرا على تشريفك مدونه كلام البنات
وفي انتظار زياراتك دوما

دمت فب حفظ الله

Unknown يقول...

بالفعل عزيزتي سلوى
ما يهم الله هو القلب و العمل

وهذا يجعلني اتسائل
هل المقصود بالقلب هو المضخه
ام تعبير مجازي عن كينونة ضمير الانسان
ما يجعل الانسان صالحا او فاسدا
وقد ذكر الله القلب باسم الفؤاد خمس مرات في القران

ربما يفيدنا بعض الاخوه المتعمقين في الدين او اللغه
عن الفرق بين استخدام الله للفظة الفؤاد او القلب

اسامة يس يقول...

اولا احيك على الموضوع والتفاتتك في النهاية لبراقة الامل ...

انا أرى ان الأمر لا علاقة له بالقلب كمضخه ولا بالعقل كذهن .. الامر له علاقة بالانسان ككل .. اي الكينونة الشاعرة ...
وارى ان كلمة عقل ليست مادية وكل جارحة هي عقل وظيفتها ويخدم عليها بقية الاعضاء ...
فالقلب عقل الحب مجازاً.. والعين عقل الابصار .. والاذن وهكذا...
فهي لن تعمل بمفردها لابد من بقية الجسد وفي ذات الوقت هذه الوظيفة لن يستطيع ان تؤدى بغيرها ...
ارجو ان اكون اوضحت الفكرة ..

دمت بكل ود يا سامح
لك خالص الود والتحية

عين فى الجنة يقول...

فكرت مرات ومرات فى لغز الانسان ، جسده وروحه ونفسه هل هى ثلاثية كذلك ام ان الروح والنفس اسمان لشيء واحد فهى ثنائية اذن، جسد ونفس او روح سمها ماتشاء
واعتقد ان المشاعر والاحاسيس وكل ما هو معنوى غير محسوس والحب من بينها لشخص ما هى الا نتاج لتلك التوليفة
طاقة الروح وتجارب النفس وكيمياء الجسد ولك التحية واعجاب خاص بموضوع رنين الهرمونات

Unknown يقول...

أعجبني تفسيرك يااسامه
ربما هيه طبيعه في الانسان يريد وضع يده على ما هو مادي
كما فعلت انا اريد من العقل التفكير و من القلب الشعور ...
الموضوع قد يكون اعمق وابعد من ذلك

كما اشرت انت
"كل جارحة هي عقل وظيفتها ويخدم عليها بقية الاعضاء"

وليس لنا الا ان نقول سبحان الخالق المبدع
وفي أنفسكم أفلا تبصرون

دمت بكل ود

Unknown يقول...

راجي
سنظل نفكر ونفكر في لغز الحياة و سر الانسان

فالانسان يولد وهو تواق للمعرفه

وما زال لدينا الكثير لنكتشفه
"وما اوتيتم من العلم الا قليلا"


وانا سعيد بمرورك على البوستات وباعجابك برنين الهرمونات

klmat يقول...

حقيقى بحييك على الموضوع المحير ده
القلب بنحس بتأثره بالحب لما نشوف
الحبيب قد ايه بنحس بدقاته فهو اكتر
عضو بيظهر عليه رد الفعل
لو اتغير القلب بعضو اخر ظنى ان الحب
لن يتغير لأنه مرتبط بالروح
هى النفس البشريه لغز كبير
وسعيده جدا بربطك الموضوع بالأمل لما
شفت د/ مجدى ثقى ان العيب
مش فينا العيب فيمن بأيدهم الأمر منهم لله بدليل زويل ويعقوب وغيرهم
الأمل والحب بيخلى الحياه اجمل وبيصبرنا
على اللى شايفنوه
حقيقى مدونتك اقل مايقال عنها رائعه
وافر تحياتى

walaa يقول...

بيقولك ان ازكى طفل فى العالم هو الطفل المصرى بس الحكومه المصريه خلتنا صفر على الشمال

ثانيا ان الحب مركزه العقل تخيل انك حبيت انسان وطلع مش بيحبك العقل هيرفض هذا الحب لكن القلب مش هيقدر يطلعه بسهوله وكمان لما بتقول لانسان انا حبيتك مش عارف لييييه يبقى هو فين العقل هنا وكمان لما انسان بتحبه جرخك عقلك رافض هذا الخاين لكن قلبك صدقنى .... عن تجربه قلبك مش بيقدر يكره لحظه واحده


يبقى الحب مركزه القلب والعقل بيسدف ده

وتحياتى لك ولاء

خلود صلاح يقول...

امم
طيب والى يقولك بأى انه لا بالعقل ولا بالقلب؟
بالرووووح
حب بروحك وهى هتقسم بين العقل والقلب
لا هتبقى مندفعة زى القلب ولا مادية زى العقل
بوست حميل:)

3ala asm masr يقول...

طبعا الحب فى القلب والعقل سوا
والاتنين بيشليوا ذكريات ومبيقدروش ينسوها بسهوله
أحنا لو معرفناش نحب مش هنعرف نعيش
تحياتى على البوست الرائع

Unknown يقول...

klmat
بدأت أميل الان الى ان العواطف تصدر من كينونه اعم من القلب والعقل
ممكن تكون الروح ولكن القلب هو المسؤال عن استقبال وارسال هذه العواطف
ربما هذا من الاسرار التي سنعرفها فيما بعد
اشكرك على تقديرك الذي اتنمى ان استحقه

Unknown يقول...

walaa
فعلا الطفل المصري لو متوفر ليه من البدايه رعايه عاديه وليست فائقه
هايطلع منه افضل النتائج

بالنسبه لتاثير العقل في موضوع الحب هيه نقطه مثيره للاهتمام
كثيرا ما يحدث خلاف بين العقل والقلب على موضوع الحب
وبتبقه حيره ما بعدها حيره

سعدت بوجودك

Unknown يقول...

خلود صلاح

اعجبتني جدا هذه الجمله
حب بروحك.. لا هتبقى مندفعة زى القلب ولا مادية زى العقل
ارى انك تتفقين معي في ان الحب مرتبط بكينونه اعلى من القلب والعقل وهي الروح

نورتيني

Unknown يقول...

3ala asm masr

الحب احساس ومعاني
القلب بيفهم الاحساس
والعقل بيفهم المعاني
وبكده تبقه العمليه متقسمه مظبوط
واكيد زي ما قلت لو معرفناش نحب مش هنعرف نعيش

اشكرك على اطرائك الجميل

DayDreaming يقول...

ايه ده يا سامح انت نزلت البوست ده امتى والتعليقات دي كلها كانت امتى ده انا كل شويه بدخل اشوف لو في جديد

بوست رائع كما تعودنا منك
اتفق معك معك بوجود كينونه اخرى تفوق كل هذا

اما فيما يتعلق ببارقة الامل فهي طالما وجدت ولكن قد تمكن منا الاستسلام لليأس دون محاوله

shreen يقول...

موضوع جميل جدا يا سامح
وشيق
اتكلمت فيه عن الحب
وعن العقل
وحتى عن اثر الغربه على المصريين لما بيدرسوا بره
بجد موضوع متنوع

اعتقد انك اصبت كبد الحقيقة
لما قلت ان الهارد وير بتاع الحب فى العقل
لكن السوفت وير فى القلب

واذا كان بعض المرضى اتغيرت اذواقهم بعد عمليات زراعة القلب
فالجينات ممكن يكون ليها دور فى ده

بوست مختلف فعلا
ومتنوع
تحياتى

Unknown يقول...

أميره نورتيني جدا
أنا ممكن اتفهم جدا حالة يأس عارض نتيجة ظروف مؤقته
دا طبيعي ووارد...
لكن حالة استسلام ليأس .. يأس مزمن طويل الامد
دا اللي صعب تستمر الحياه معاه
فعلا مش مجرد كلام.. لانها هتكون حياه باهته متعبه
مش معنى كده نمشي مظأططين كان مفيش مصايب حوالينا
بس على الاقل منقنعش نفسنا ان الياس خلاص بقه هوه الديفولت ستنج لينا
لا لما نعمل ريست لاعدادات البني ادم هاتلاقي الديفولت انه بيحب الدنيا
وانه من حقه يعيش دنيا كويسه وزي الفل
اذا حصل حاجه عكس كده يبقه دا مؤقت .. ومسير الاحوال تتعدل تاني


البوست كان مظلم من غير تعليقك عليه ..
وأشكرك على كلامك الجميل في حقي

Unknown يقول...

شيرين

اعتقد ان بعد التعليقات الرائعه من أصدقائي
وصلت للنتيجة الاتيه

الهارد وير بتاع الحب فى العقل
و السوفت وير فى القلب
ومصدر الكهرباء الاساسي اللي بشغل في الروح.

موضوع الجينات فعلا ممكن يكون ليه اثر في احتفاظ القلب باثر من روح صاحب القلب
فاذا كان خليه واحده قادره على استعاده كامل الجسم بنفس التفاصيل
فاحتفاظ القلب ببعض الذكريات لهو امر طبيعي حينها..

لا حرمنا الله من طلتك علينا

عــلاء ســالـــم يقول...

السلام عليكم

فعلاً والله هو موضوع محير ومحدش قدر يحسمه لحد الآن.
ودا من عظمة الخالق اللي مهما بلغنا من علم لا يمكننا أن نحيط بكل خلقه حتى ولو كان في أجسادنا نفسها.

على كل حال سواء الحب مكانه القلب أو العقل ربنا مايحرمنا من نعمة الحب بكل معانيها .

Yassmina يقول...

شفت افلام كتير قوي بتناقش الموضوع ده
ويمكن اخر فيلم شفتوا
كان لصاحب قلب مزروع حب نفس البنت الي كان بيحبها صاحب القلب الاصلي
بس لو مكنش الحب مصدرو القلب
مكنش القلب هوا اول حاجه بتتنفض جوانا لما نشوف الحب
ومازال الموضوع بردو محير
....
موضوع جميل تحياتي

media يقول...

ربما هناك بارقة أمل.. طالما نحب

أيان كان مكان الحب كان العقل أم في القلب

فالحب دائما يعطيك سببا للحياة


انت كدة جبت من الاخر
تحياتي ليك

Unknown يقول...

alaa salim

وعليكم السلام
معاك حق ياعلاء عظمة ربنا لا يستطيع عقل ادراكها ولا تصورها
لكن رغم ذلك ربنا سبحانه وتعالا
طلب مننا اننا نبحث وندور ونفكر
ونحاول نعرف

{وَفِي أَنفُسِكُمْ أَفَلَا تُبْصِرُونَ }الذاريات21


سعيد بمرورك

Unknown يقول...

yassmina

فكره فيلم جميله قوي
وبتتبنى وجة نظر من المطروحين
وكما قلتي ما زال الموضوع محير

شرفتيني بمرورك

Unknown يقول...

لولا

ربنا يجعلنا دايما من اللي بيجيبوا من الاخر يالولا :)

ربنا ما يحرمنا من زيارتك

رحــــيـل يقول...

العقل والقلب
معادلة صعبه جدا
اقولك قلتهم احسن الاتنين
الواحد يعيش مجنون وقاسى وبس خلاص
سورى على التاخير كنت فتره نقاهة
خالص تحياتى سامح
وبعدين انت مختفى ليه ناقص ندور عليك ميكرفونات

Cleo يقول...

تذكرنى هذه المداخلة بجملة من أغنية أم كلثوم الشهيرة "العيب فيكم يا فى حبايبكم... أما الحب... يا روحى عليه"

فعلا الحب جميل لكن العيب فينا احنا...

رحــــيـل يقول...

ايه ده
فين الشمع والتورته والبلونات
انا قولت هدخل النهارده الاقى هيصه بقى
على العموم حصل خير
كل سنه وانت طيب
ويالا حالا بالا حيوا ابو الفصاد هيكون عيد ميلاده الليله اسعد الاعياد فليحيا ابو الفصاد
هيييييييييييييييييييييه

Unknown يقول...

رحيل كل سنه وانت طيبه وبصحه وخير

Unknown يقول...

كليو
هوه كل حاجه العيب فينا
حتى الحب مش عارفين نحبه

د/اجدع بنوته يقول...

ربما يكون هارودير الحب والذاكرة في العقل

لكن السوفت ويير كله في القلب :)

تشبيه الكترونى بحت م الاخر

الصراحه انا بعتز جدا بمجدى يعقوب مع الاحتفاظ بالالقاب

بس والله عندنا هنا ناس عملت حجات مش بنفس نجاح طبعا دكتور مجدى

بكن ف ناس عملت حجات جامدددددده جدا وف الاخر برده مدفونين ف التراب
وهذا يرجع مرجوعنا

... ان اللى خلع

وانا ارجح ان القلب يملك حق المشاعر والاحاسيس الحب والكره

وان العقل مراكز الحركه والتنفس
how the person actually react

تحياتى

Unknown يقول...

د/ اجدع بنوته
د مجدي يعقوب فخر لينا كلنا
اهو حاجه نرفع بيها راسنا
لحد ما تفرج
تحياتي