الواد اياد ابني بدا معايا المقالب بدري
واقف على باب الشقه ونازل شغلي
ودي اللحظه الوحيده اللي بيحسسني فيها بالابوه
صحيح هي مصلحه عشان اشتاله واخرج بيه بره بابا الشقه وارجعه
تاني على اساس انه كده اتفسح
بس كنت بفرح بيها ومبسوط
فانهارده بقا انا واقف على الباب ومستني جرعه حنان
الابن
وندهت ليه ودي جاي زحف بكل طاقته لانه لسه مش بيعرف يحبي
وخلاص قرب
وداخل عليه
وقرب
وخلاص انا مستني هايرفع ايده ليه ويبصلي وهو بيضحك عشان اشتاله
واذا بيه
نفضلي احلا تنفيضه وراح عمال يلعب في الحذاء بتاعي وبيفك
الرباط بتاعه
وانا فوق بقا مذهول بحسرتي
ونزلت الشغل وانا فقدت اقوى وسيله كنت بضغط بيها على ابني عشان يحبني
هناك تعليقان (2):
ماشاء الله اكيد دلوقتي زمانه عنده حوالس سنتين ربنا يخليه ليك وتشوفه قد الدنيا ويكون لك سند في الكبر
كل سنة وانت طيب بمناسبة عيد الأضحى
تحياتي
حسن أرابيسك
إرسال تعليق