مصر الجميلة

مصر الجميلة

إن لمصر وجهان تماما مثل ” خالد سعيد”…. وبالرغم من إصرار البعض على اقناعنا أن مصر وجهها مشوه ولم يعد به جمال، إلا أن الحقيقة ستظهر لا محال والصورة الأصلية الكل يعلم أن جمالها سينجلي يوما ما.

لو قلت عنها بلداً يجتمع فيه كل المتناقضات لما لامني أحد، فرغم ما تموج به مصر الان من أحداث كأنها في حالة مخاض لحياة جديدة الا أن هذه البلد حباها الله بجمال غير عادي، فلننسى قليلا مصر بتلوثها وفساد إدارتها وكوارثها التي لا تنتهي ولنأخذ جولة لمصر جميلة فاتنة..

مصر بريف يمتلئ بكل الالوان..

وصحراء رغم قساوتها الا انها لم تخلو من جمال..

ونيل يعطي بلا حساب..

وأثار مازلات تنبض بأن الذين بنوها قادرين على إعادة البناء..

ولنبدأ من الريف المصري:

منظر رائع لتجفيف التمر:

سلال التمر:

حصاد القمح:

ابراج الحمام في ميت غمر:

الدين الذي يربي الرحمة لا التعصب:

نهر النيل:

لا تتعجب انهم بالفعل يسلكون طريقا في النيل وسط نباتاته الكثيفة!

نهر النيل وحالة من الابداع:

واحة سيوة:

بحيرة ملح في واحة سيوه

جمال منقطع النظير في واحة سيوة

جزر في واحة سيوة

انقاض قلعه من القرون الوسطى في واحة سيوه

الصحراء البيضاء:

وفي المقابر عبرة ونظرة تأمل:

مقابر جنوب المنيا

مقابر في أسيوط

الآثار:

المسلة الغير مكتملة

هرم سستريس الثاني في الفيوم

أحد الأهرامات

قرية بجوار الاهرام

معبد ابو سمبل من بعيد

معبد الكرنك

معبد فيلة

وللبحر جمال و أسرار:

في بادئ الأمر لم أصدق أن هذا الكائن في مصر!

شعاب مرجانية وأسماك جميلة

جبال مصر

جزيرة تيران

كانت مقطتفات بعضها شاهده من قبل وبعضها تراه عيني لأول مره..

أنا متأكد أن كل بلد عربي به الكثير و الكثير من إبداع الخالق..

فهل يعوضنا ذلك ولو قليلا عن فساد المخلوق !؟

___________________________________________

بقلم: سامح إبراهيم العربي

المصادر: 1, 2, 3

الرجاء دعمي بضغط زر اعجبني من او ترك تعليق او بكلامهما
على هذا الرابط
http://www.ibda3world.com/%D8%B5%D9%...A%D9%84%D8%A9/

ولكم الاجر والثواب عند الله

انا مش معاهم الوقتي انا مع الناس التانين

ياأبناء شعب مدونتي العظيم
يسعدني أن أزف إليكم خبر هام
افرحوا فيه زي ما انتو عاوزين
خلاص بالامس انضممت لحزب الخاطبين
الربع قرن اللي فات دا كوم واللي جاي ان شاء الله دا كوم تاني
ونقول ايه مهما الواحد حاول يهرب محدش بيهرب من نصيبه
وفي النهايه ربنا بيكتب للواحد احسن مما هو متخيل او متوقع او حتى متمني
ربنا أكرمني ببنت الحلال
عقبال اللي مش في صباعه دبله منكم ما يلبس في صباعه دبله
واللي في ايده اليمين دبله تروح للشمال
واللي في ايده الشمال يشيل على دراعه التاني العيال
ربنا يسعدكم جميعا ويفرحكم زي ما فرحني
سلام بقا عشان ... احم ... مشغول

ولو أحببتك العمر ما يكفي في العمر في عينيك ثوان قليلة

الحمد لله

أصدقائي في عالم التدوين
بعدت عنكم فتره طويله
لكن غصب عني يعلم الله كم افتقدكم وافتقد وجودي بينكم
على هذه الصفحات نجتمع في مناسبات عده سعيده وفيه ايضا نتشارك الهموم والمواقف الصعبه
وهكذا الحياه بعض الاوقات السعيده التي تمر سريعا لا نكاد نلحظها
وكثير من الاوقات الصعبه التي تعلم الانسان الصبر و تكسبه خبره في مواجهه الحياه
لست اريد تقديم نصائح و سطور من الوعظ.. فلم اتحول فجاه لحكيم او رجل دين
ولكن هي مجرد اشاره لمواقف انسانيه لمستها بنفسي كان لها اكبر الاثرداخلي واحببت ان اشاركها معكم.
الحقيقه ليس أفضل من الله معرفة بالانسان فهو الذي خلقنا وقال عنا
{وَإِذَا أَنْعَمْنَا عَلَى الإِنسَانِ أَعْرَضَ وَنَأَى بِجَانِبِهِ وَإِذَا مَسَّهُ الشَّرُّ كَانَ يَؤُوساً }الإسراء83
وكثيرا ما وجدت هذه الايه بالفعل تنطبق علينا كبشر
كلما انعم الله على الانسان بنعم اعتبرها الانسان حق مكتسب وسعى باستعجاله البشري لغيرها وغيرها
ولا يكف الانسان يطلب ويطلب وكما يقال لا يملؤ عينه الا التراب
فاذا ما حبس الله عنه نعمه من هذه النعم .. اسودت الدنيا في وجهه وشعر ان الدنيا ولت ظهرها عنه
وساعتها يلجا الى الخالق يسأله من فضله ويتذلل في الدعاء ويتذكر ما مضى ويخشع قلبه راجيا كشف الغمه.
مهم جدا الانسان يكون راضي عن حاله باقتناع
فعلا يكون متاكد ان اي وضع هو فيه اكيد فيه خير
حتى لو الانسان فيها مش شايف دا او مش قادر يفهمه
لكن دايما حكمه ربنا بتكون اكبر مننا
واذا حصل للانسان ابتلاء يقول الحمد لله ان الابتلاء مش اكبر من كده
الحمد لله الابتلاء دا ممكن منع عني مصيبه اكبر مكنتش اعرفها
الحمد لله اني مسلم ولو صبرت واحتسبت ربنا بالابتلاء دا هايرفع عني سيئات كتير عملتها وما اكتر منها
الحمد لله الابتلاء دا عرفني ان ربنا مش سايبني لوحدي لا دا جنبي
ربنا وقت الابتلاء بيبعت للانسان بدل الاخ الشقيق عشره
وبيسهل ليك حاجات لما كنت بصحتك يمكن مكنتش بتخلص ولا بتعرف تعملها
وبيخليك تشوف احوال ناس حواليك تتاكد انك احسن من حالهم
وكمان بتعرف انك كنت في نعم كتير قبل كده عشان لما ربنا يفك عنك تعرف قد ايه انت كنت في وضع ممتاز.
انا شخصيا لما تعبت كان سهل ان أيأس و اتعب نفسيا
يعني المستشفيات حالها مش خافي على حد
و الاجراءات مش بتخلص
وحتى العلاج كتير بيبقه مش موجود لا في المستشفى ولا بره
وطبيعي تقلق من مستقبلك في الشغل
واكيد تقلق اكتر على مشاريعك للمستقبل
وغيرها من حاجات كتير ممكن الواحد يفكر فيها ويخليها ضغوط زياده عليه وعلى وضعه الصعب
بس لقيت ان اصلا ميصحش ان الواحد يفكر كده
لان لما يجي معاد الزياره والاقي اللي قدامي مجالوش حد وانا بتحايل على الناس متجيش عشان الزياره لتلاته بس يبقه دي نعمه
ولان لما يجي الليل والحمد لله قادر انام واللي جنبي تعبان وقدامه ليله طويله مش هينام فيها يبقه دي نعمه
ولما اكون عارف ان شويه راحه وعلاج وهابقه كويس واللي جنبي جه المستشفى لسه مش عارف هو تعبان من ايه ولا الدكاتره عارفين يبقه دي نعمه
ولما جمال شاب عنده 17 سنه يجي المستشفى تعبان ويتعمله اشعات وتحاليل وبدل الدكتور عشره يكشفوا عليه وكل حاجه تطلع سليمه
مع ان الواد تعبان جدا لا بينام ولا بياكل وحالته صعبه...
وفي الاخر في خامس يوم يموت قدامي وهو حتى متعالجش لان اساسا متعرفش هو تعبان من ايه يبقه الواحد لازم يقول الحمد لله
الحمد لله بجد لان اي حاجه غيرها الواحد حقيقي هايبقه مكسوف من ربنا
هيقول لربنا ايه انا تعبان .. مهو مش انا لوحدي
طب انا حالي صعب .. برضه مش لوحدي
طب اصل انا خايف من المستقبل.. ما قدامك شباب بيموت اصلا وانت لسه ربنا عاطيلك الفرصه تعيش وتكمل
حقيقي اللي يشوف بلاوي الناس تهون عليه بلوته
بس مش مجرد هوان نفسي لا دا حسبه بالعقل
ومش معنى كده الواحد يزهد في الدنيا ويعيش راهب .. ومخبيش عليكم بعد ما جمال اتوفى غصب عني لقتني بفكر بالشكل دا
لان كنت ارتبط بيه جامد واول مره اشوف حد بيموت قدامي
لكن ربنا مقلش كده
ربنا كل مده بيخليك تمر بموقف صعب عشان تقوى وتقدر تكمل
مش عشان تقف محلك سر وترجع لورا
بس المهم تكمل صح
وتعرف ان طول ما ربنا سايب انفاسك شغاله في صدرك يبقه دي هبه من الله
ونعمه لازم تستغلها طول ما هيه موجوده.
مطلوب مننا نشتغل وننجح ونتبسط ونبقه اغنيا ونفرح في الدنيا ونبقه احسن ناس .. بس بالشكل اللي يرضي ربنا و بالشكل اللي نتمتع بيه وناخد ثواب في نفس الوقت.
ومنجيش عند اول حاجه صعبه ونقول ليه يارب عملت فينا كده.لان كله خير حتى لو مش قادرين نشوف كده.
انا طولت عليكم بس انتو كلكم واحشني جدا جدا والله
وفي النهايه بدعيلكم جميعا ان ربنا يوفقكم في حياتكم ويجلعها كلها خير عليكم
ويحقق ليكم ما تتمننوا وينعم عليكم بالصحه و وقوة الايمان
ويعينكم جميعا على فعل الخير
لان فعل الخير دا نفحه من رحمه ربنا على بني البشر.
وبدعي في الاخر لمصر ربنا يزيح الغمه عنها لان المصريين خلاص شبعوا عز ورخاء ومحتاجين شويه تغيير.

لا أعلم سر الشجن

ما أكثر ما كتبنا من كلمات

ما نامت أعيننا باكيات

حزينات على ما فات

لا أعلم سر الشجن

ذلك الحنين إلى الألم

ولا أعلم من أين

تمتلك الأه تلك القوة ؟

ولا كيف تجعل الإنسان أقوى كل مرة

وإذا ما شعر الإنسان بالسعادة

وجل القلب وشعر بانقباضة

فدائما يأتي اليوم الذي

يدفع فيه ثمن تلك المره

التي تجرأ فيها وابتسم مره

فكيف له أن يبتسم

ومكتوب عليه ألف ألف يوم أن ينتحب

وكيف له أن يفرح

ولم يعد للفرح في القلب مطرح

فياأيها الإنسان الذي أبكتك الأيام ولم تنتهي

لا تكثر الندم على ما جري

واضحك فالحزن أت مهما جرى

واغتنم من الدنيا دمعات فرحها

فدمعات حزنك ستظل معك إلى الثرى

من عجائب نقل المواضيع

رغم سعادتي البالغه ان احدهم وجد كلاما لي يستحق اعادة النشر
ولا املك اعتراضا فما اكتبه على الانترنت وقتما نشرته هو ملك لمن يقراه يستطيع
اعادة نشره وفي ذلك قيمة للعمل وخدمه يقدمها لي مجانا
هذا بالطبع ان اشار الى المصدر ولم يكتفي بكلمة منقول بدون لينك

لكن الطريف في الامر ان اكتشف ان احدهم نقل الخاطره بمشتملاتها من ردي على الاعضاء

الاخت عجبتها الخاطره وذكرت انه منقول
لكن الطريف انها نقلت ردي على احد الاعضاء في المداخله رقم 9 في الموضوع الاصلي

http://www.egyptsons.com/misr/thread41562.html

ونقلته كما هو في موضوعها في المشاركه رقم 5

http://www.khwater.com/vb/showthread.php?t=47409




طبعا تم تعديل الموضوع 
وهذه برنت اسكرين للموضوع قبل تعديله

ولاسف لم تقول ان الرد نفسه منقول
:)

الحقيقه حاولت التسجيل في المنتدى لكن وجدته مغلق

الجميل في الامر اني اثناء اكتشافي للموضوع لم تفارق شفتي ابتسامه
وكما قيل رب ضارة نافعه

مهاجر في سفري

مهاجر في سفري

أسألني دوماًَ

أسينتهي يوما المسير؟

أم سأظل طول عمري في رحيل؟

أبحث عن ماذا؟

لست على وجه اليقين

أأبحث عن نفسي؟

إذن سأظل طوال عمري أسير

أم أبحث عن نفس تكملني..

تكمل النقص الذي يعترين؟

حتى الآن لست أدري

رغم أني في الطريق ما زلت أسير

أسينتهي الطريق يوما ؟ أسأل نفسي..

أم سأنتهي قبل أن أكمل الطريق؟

حائر حتى الأن

ولكني لست حزين

فحتى لو مت يوماً

يكفيني أنني مت أبحث

عن شيئ ظل في خيالي جميل

تصميم رمضان كريم

رمضان كريم عليكم جميعا