السبت، 15 أغسطس 2009

انا مش معاهم الوقتي انا مع الناس التانين





ياأبناء شعب مدونتي العظيم
يسعدني أن أزف إليكم خبر هام
افرحوا فيه زي ما انتو عاوزين
خلاص بالامس انضممت لحزب الخاطبين
الربع قرن اللي فات دا كوم واللي جاي ان شاء الله دا كوم تاني
ونقول ايه مهما الواحد حاول يهرب محدش بيهرب من نصيبه
وفي النهايه ربنا بيكتب للواحد احسن مما هو متخيل او متوقع او حتى متمني
ربنا أكرمني ببنت الحلال
عقبال اللي مش في صباعه دبله منكم ما يلبس في صباعه دبله
واللي في ايده اليمين دبله تروح للشمال
واللي في ايده الشمال يشيل على دراعه التاني العيال
ربنا يسعدكم جميعا ويفرحكم زي ما فرحني
سلام بقا عشان ... احم ... مشغول


ولو أحببتك العمر ما يكفي في العمر في عينيك ثوان قليلة

هناك 12 تعليقًا:

غير معرف يقول...

ألف مبروك ياسامح وربنا يسعدك ويفرحك كمان وكمان وتغير اسم مدونتك الى ابتسامات وليست دمعات
مبروك

Sweet Violet يقول...

مبارك عليك الخطوبة
ربنا يتمم لك على خير
و نبارك قريب على الجواز بقى
^_^

محمد العدوي يقول...

انا بس كنت داخل اقول ان العبارة اللي في تعريف المدونة جميلة

بس نضيف عليها بقى الف مبروك .. وتمم الله بخير

وربنا يملأ حياتك برة يا مولانا


:)

وكل سنة وانت طيب كمان

دمعاتي يقول...

الله يبارك فيكم ياجماعه
وبعدين المره دي
دي دمعات الفرح
وعقبالكم
:)

رحــــيـل يقول...

مبرووووووك يا سامح
الف مبروووك انضمامك للناس التانين
ربنا يجعل كل ايامك هنا وفرح دايما
وعقبال ما تنقل دبلتك للشمال
:))
ربنا يتمملك بخير

دمعاتي يقول...

ربنا يخليك يارحيل
ويهنيك ويسعدك انت كمان
:)

حسن ارابيسك يقول...

ألف مبروك
وان شاء الله حياة جديدة مكلله بالنجاح والتوفيق مع شريك العمر
تحياتي
حسن أرابيسك

غير معرف يقول...

كل سنةوانت طيب ياسمسم وعقبال 100 سنة وتكبر كدة وسنانك تقع

ربنا يوفقك ويحفظك من كل شر وربنايوفقك واللى محققتوش السنة اللى فاتت تحققه السنة دى

دمعاتي يقول...

الله يبارك فيك ياحسن
متحرمش منك

--------------

وانت طيبه و بالصحه والسلامه
ربنا يباركلي فيك ومايحرمني منك
:)

غير معرف يقول...

فينك ياسامح من زمان خلاص انشغلت عننا بعد ما خطبت ولا ايه وحشتنا ابداعاتك مستنين حاجة منها قريب

Tadwina يقول...

مرحبا / دمعاتي
يسر اسرة تدوينة دوت كوم بابداء اعجابها الشديد بمدوناتك ونرجو منك مراسلتنا على الايميل:
Tadwina@gmail.com
لوضع البانر الخاص بنا على البلوج خاصتكم حتى يتمكن القراء والمدونين في مصر بمتابعة تدويناتكم المستحدثة
مع خالص الشكر،،،
فريق عمل تدوينة دوت كوم
www.tadwina.com

Blogger يقول...

eToro صفقات التداول المفتوحة في 227,585,248

حكمة الجموع المتداولون الذين يستخدمون CopyTrader™ من eToro يزيد احتمال أن يحققوا أرباحًا بنسبة 60%