الأحد، 4 مايو 2008

تاج رحيل تاني






اذكر عشر حاجات عن نفسك؟

لا يعرف المرء حينما يتحدث عن نفسه اي جانب يظهر
هذا الكائن الرقيق الذي يعيش داخله
ام ذلك الوحش الكاسر الذي يظهر من حين لاخر
أيتحدث عن مرات الانكسار
ام ينساها ويتذكر فقط لحظات الامل
أيتحدث عن المرات التي ضل فيها الطريق
ان تلك التي أنار هوه بنفسه الطريق لغيره
أيتحدث عما يتمناه ام ما حققه بالفعل
أيتحدث عن نفسه
أم يترك نفسه هيه تتحدث عنه..
ليس سهلا أن تتحدث عن نفسك وانت تعلم ان نفسك لغز كبير
ربما الامر ابسط من ذلك
ولكن المثير اني اكشفت توا عن نفسي شيئا جديد
انني لا أبسط الامور
ما الذي جعلني اكتب كل هذا و انا استطيع ببساطه ان اسرد عده نقاط اراها في نفسي
واخفي عده نقاط اخرى اراها او احسب ذلك ولكنها ليست للعرض
ربما سنموت ونحن نكتشف عن انفسنا كل يوم شئ جديد
ربما أكثر ما يميزني

1- أنني لا استطيع الا ان ابتسم في وجه من يحدثني والنظر اليه مليا حتى ان بعض من يحيطون بي يعتقدون ان هذا حبا ولكني اراه فقط نوعا من التواصل "just an eye contact"

2- اهوى دائما التحدث الى نفسي في الامور التي تؤرقني و تؤلمني .. اشكو نفسي لنفسي ولا ارغب ساعتها في الشكوى لاحد ، وكثيرا ما احمل فوق رأسي جبال من الهم واذا سالني احدهم عن حالي ارتدي قناع الوضع العادي واتحدث اليه بشكل عادي وربما اشتكا هوه لي من هم يعتريه واسرح في مشكلته ولا انسى مشكلتي ولكنها تبقى حيث هيه حبيسة نفسي

3- أعشق كثيرا كل ما هوه صغير من الكائنات.. مرحلة الطفولة لها سحرها وبريقها الخاص.. وكثيرا ما تكون القطط و الكلاب والارانب وهيه في مرحلة الطفوله تتمتع بحس كوميدي يجعل من مشاهدتها متعه ما بعدها متعه.. وليست الحيوانات فقط فالاطفال وهم صغار سينما كوميديه متنقله .. احبهم كثيرا واستمتع بمشاهدتهم طالما كانوا صغار

4- وفي المقابل عندما يسئ لي لا اعرف لما افضل السلام عن المواجهه وترك الجراح ليداويها النسيان بدلا عن معالجتها بالكلام .. ربما لاني لست بنفس طلاقتي هذه في الكتابه عندما اتحدث.. ام هو نوع من العفو و المسامحه.. وربما تكون سلبية .. لا ادري تحديدا.. ولكن ما اعلمه ان هذا كما هوه مجدي في كثير من الاحيان وياتي بكسب للطرف الاخر .. فهو ايضا متعب لي شخصيا ويجعل احلام اليقظه تطاردني وتحدثني عن هذا الموقف وكيف كان لابد ان ارد واجدني اتخيل كلمات شديده القوة والقسوة و العنفوكيف كانت هذه الكلمات الباتره ستريحني وتجعل خصمي صغيرا أسفا ولكن ببساطه هذه الكلمات القوية هيه فقط لنفسي وليست لخصمي فلخصمي الصبر والمسامحه وربما ابتسامه من وراء القلب.

5- رغم اني احمد الله على ما خلقني عليه ولو خيرت لاخترت هذه الحياة بكل ما فيها من حلو ومر .. الا ان في طيات داخل نفسي هناك رغبه لان اصبح شخص اخر بصفات اخرى و حياة مختلفة اعرف تفاصيلها جيدا رغم اني لو خيرت الان ما اخترتها ولكن لا استطيع منع نفسي من التفكير فيها

6- صامت انا وسط اناس التقي بهم اول مره .. استمع كثيرا لهم اراقبهم اتحدث قليلا .. ولكن هذا يتدبل اذا كنت اعرفهم واحبهم .. اكون طلقا فرحا متحدثا مشاغبا

7- اعيش حالة من طرفي النقيض في كثيرا من امور حياتي احترت لها كثيرا و الان بدات اتقبلها واتعود عليها
ففي الوقتي الذي قمت فيه بذبح أضحيه وهي كانت الاولى لي ولا اعرف كيف واتتني الشجاعه وفعلتها حتى ان ماضى كان لا ينبئ بقدرتي على عمل ذلك
في هذا الوقت لم استطع قتل فأر ووقفت عاجزا امامه بل تركت مكانا له للهرب بحياته
كيف يكون الشخص متوحشا ثم رقيقا شجعا ثم جبانا ام ان هذا ليس شجاعه وهذا ليس جبن ؟ انا نفسي لا ادري

8- أبعد عن الحب بقدر الامكان بل اهرب منه حينما يطاردني فانا اعرف نفسي
قوى جدا طالما لم احب
حكيم جدا طالما قلبي خالي
عاقل جديد طالما لم يصبني السهم
فاذا حدث ما يحدث للناس انقلب الحال
واجدني انسانا غير الانسان
يطير العقل وتذهب الحكمه
ويبقى الحب والشوق
غريب امر هذا الحب يخرج اجمل ما فينا ونظل نهرب ونخشا منه
ولكن في النهاية اجدني مرتاحا اكثر لحل مشاكل اصدقائي العاطفية و السماع لهم اكثر من قدرتي على حل مشاكل قلبي
فقلبي اعامله كالاخرين اتجاهله واتنكر له ولا استمع اليه.. فهو دائما يذهب بي الى حيث لا اريد
وعندما ينفطر ، يعتزل الاخرين و يرثي نفسه ، واعاتبه قائلا هذا ما فعلته بنفسك ايها الطفل العنيد

9 - بين لحظات ايمانيه عذبة و نقية .. واخطاء دنيوية *****... يتأرجح سلم الايمان الذي يحملني
في صعود وهبوط
لا استطيع ان اتمنى ان اكون كاملا مكتملا
ولكن اتمنى ان تظل هذه الاخطاء في حدها الادنى

10- اخيرا انا هذا الانسان الحالم الذي يتمنى ان يكون افضل
وبين امنيات بعضها خرافي وبعضها بسيط للغايه
اعيش في هذا الدنيا
اكثر ما اخشاه هو ان افقد احبابي في هذه الدنيا
أوان لا احصل على مجموع يؤهلني لدخول الجنة في الاخرة



تانى حاجة اختار خمسة امررلهم التاج

مقدرش احكم على حد يمر بالي شفته عشان اجاوب على التاج دا
وعشان متزعلش
اول خمسه يعلقوا على البوست دا التاج مرر ليهم بشرط انهم ميكونوش جاوبوه قبل كده

اياكى تدى التاج ده للى بعتهولك قبل كدة

ايه دا هوه التاج دا حريمي من البدايه
طب مش تقولوا مكناش تعبنا نفسنا وجاوبنا
:)





هناك 20 تعليقًا:

DayDreaming يقول...

اخيرا جاوبت... يارحيل يا مربياهم هههههههههههههههههههههه
شوفت الموضوع سهل ازاي زي شكة الدبوس
يلا بالشفا
عجبتني اجابات 9-10 اوي
مبروك يا سامح
مش هوصيكي يا رحيل بأه اي تاج عليكي وعلى سامح عدل:)

Unknown يقول...

كده ياميره
شمتانه فيه
مكنش العشم يابنت العم
على العموم مردودالك

رحــــيـل يقول...

بقى كده يااميره كان نفسى اكون اول تعليق على التاج ده

ده سامح غلبنى وطلع عينى
قال يقولى بقالى اسبوع بكتب فيه
محسسنى انى بعذبه

بس تعرف ياسامح عجبتنى المقدمه اللى كتبتها فى اول التاج جدا

وطبعا اجاباتك بجد حاسها حالمه قوى رومانسيه شويه فيها نوع من اللاوعى تقريبا وانت بتكتب
وخصوصا كلامك عن الحب

شوفت ده انت المفروض تشكرنى انى مررتهولك طيب والله بجد مشحسيت كده براحه بعد الفضفضه التمام دى

اى خدمه فاترك الجمايل دى

وطبعا انا عايزاك تستقبل التاج الجاى بصدر رحب اكتر من كده
قريبتك الرخمه
رحيل

Unknown يقول...

اهو دا جزاء اللي يزعلني
ميطلش اول تعليق
اولا المقدمه مقتبسها من على النت بس مش هقولك من فين
ثانيا العشر اجابات استعنت بعشر اصدقاء
كل واحد فيهم خليته يقولي حاجه شايفها فيه
واللي كان بيلبخ كنت بشوف غيره


وبعدين ايه الالوعي دا دا
شيفاني شربت حشيش قبل ما اجاوب
ماشي انا معنتش مجاوب على تاجات تاني
ومخاصمك كمان

حسبي الله ونعم الوكيل يقول...

تاج جميل وصفات جميلة تنم عن شخصية حساسة

Unknown يقول...

حسبي الله ونعم الوكيل

شكرا لزوقك ومرورك الجميل

عـــفـــراء يقول...

يامعذبنا يارحيل معلش بس طلعت الكسبان باجابتك عليها
لا يمنع ان تكون وحش كاسر ولا يمنع ان تكون رقيق.
ولما ننسى مادامت قلوبنا تنبض
فجميل ان نتحدث لانفسنا كى نغيرها
والاجمل ان نحب مايجب ان نكون علية حتى لو كان غير لائق.
مش عارفة اية حكاية القطط ونسيت تقول النمل كمان اصلة وديع على راى ميرو هههههههه.
بس جميل وبسيط اوى ردك وربنا مايوريك تاج تانى من رحيل
خالص ودى.

Unknown يقول...



عفراء
انا عارف انك حاسه بيه
عشان شفتي اللي انا شفته
بالنسبه للنمل
انا مهتم من وانا صغير بالكائنات الحية
تقريبا لو مكنتش عايش في مصر كان فاتني باحث في العلوم الحيوانية
زمان كنت بقضي ساعات في مشاهدة النمل في بيتنا
وكنت بعتبر دا حلقه لايف من العلم و الايمان
لما كبرت والنمل بقا بيسبب ليه مشاكل
مقدرش اقولك لسه بحبه
وان كنت مازلت احترم نظامه
اللي للاسف احنا كبني ادمين موصلناش لجزء منه

خالص تحياتي

إنسان || Human يقول...

طيب ما انت كويس أهوه ..وأتكلمت عن نفسك كويس
جميل ان أول زيارة ليك ..تكون تاج عشان أتعرف كويس
...
اللي لفت إنتباهي
موضوع الحب
في ناس فعلا بيكونوا ...أضعف في حالة الحب ..؟
وأنا زيك في نقطة ..الرد على الأخرين ..أفضل السكوت عشان مابعرفش أرد في ساعتها
وأستغرب بعد كده هو أنا كنت في وعيي

0 يقول...

اولا كلامك زي مايكون بيرسمك بجد تفاصيل كتيرررررررررررررررررررررر لبنى ادم جميل
بس بالنسبة لكلامك "فقلبي اعامله كالاخرين اتجاهله واتنكر له ولا استمع اليه.. فهو دائما يذهب بي الى حيث لا اريد"
فكرنى بعبد الحليم اما قال خايف مرة احب وعارف ليه انا قلبى خايف شفت الحب بيبكى ويضحك ملو عيون وشفايف
ناس فى الحب شافوا قسيه وناس اتهنوا خايف يقسى الحب عليا خايف منه
بس بجد بلاش حكايى تجاهل قلبك دى هو مش ذنبه انه طيب ونقى وميبقاش انت والناس عليه على الاقل اسمع له بلاش تندفع اندفاع لموج بتاعه بس على الاقل متتنكرلوش
ربنا يوفقك ويحبب فيك خلقه

Unknown يقول...

human

الشرف ليه ياهيومان
بالنسبه لموضوع الحب بالتكيد الضعف بيشكل جانب و الجانب الاخر هوه قوه
الضعف نابع من تغيرات بتعتري نفس الشخص عشان تهئيه لاستقبال كائن جديد في اطار حياته
لازم بتكيف امورك وممكن تعدل عاداتك عشان تتكيف معاه وتنسجم معاه
والقوه بتيجي من احساسك بانك طبيعي محبوب هناك شخص يحتاجك بجنابه

---
نقاط التشابه وارده ياصديقي
فكلنا ننبع من نفس الاصل

صعدت بمرورك


طاير ياهوى
كلامك كتير عليه
اشكرك كثيرا عليه و اتمنى ان استحقه
شوفي الامور المتعلقه بالقلب دائما صعب التحكم فيها
فمهما حاولنا ان لا نحب
ياتي الوقت الذي نجد انفسنا فيه غارقين في العشق
كل ما اتمناه انها عندما تاتي اللحظه تكون مناسبه
ويكون اختيار موفق
اشكرك مره اخرى
وربنا يبارك فيكي

Unknown يقول...

ههههههههه

ابقى ركز فى الصنف قبل كده

لا بجد كلامك عن نفسك جميل وواقعى و صريح

Cleo يقول...

يابنى كفاية حرام عليك.. اطلع من المطبخ وشيل الطاسة اللى على دماغك دى!!

عين فى الجنة يقول...

والله انت كلامك مؤثر جدا جدا
ويبدو فعلا انك بذلت مجهود فى الاجابة
والنقطة الخاصة بعدم الرد على الاساءة ثم الغليان الذى يحدث فى النفس غضبا على تفويت فرصة الانتقام انا افهمة كويس جدا
برافو عليك ولك التحية

Unknown يقول...

عاليا
هنعمل ايه بس
الواحد مبقاش مركز في حاجه خالص
مرسي


كليو
طب مش اما اخلص الطبخه


راجي
ربنا يكرمك
انا فعلا طلع عيني عشان اجاوب
بس مازلت مصر ان الاخرين اقدر من الفرد على رؤيته بشكل عام
خالص تحياتي

klmat يقول...

شعرت فى اجابتك الصدق والوضوح
اشفق عليك من عدم الفضفضه جميل ان تشكو
نفسك لنفسك لكن لا مانع ان يكون لك صديق
تثق فيه وتفضفض معاه حتى لايكون حملك ثقيل
او تكتب ما فى نفسك فى مدونتك فقد تجد رأى
يفيدك فهى ليست شكوى بقدر انها مشوره
ممكن ان تصورها فى صوره شعر او قصه ولعلك تفعل
تسامحك مع الآخرين ميزه وليس ضعف سهل جدا
الرد ولكن الكاظمين الغيظ لهم وزن والأيام
بتبين مين صاحب الحق والمخطا بيكون بينه ويبن نفسه عارف وبيحترمك اكتر وربما يندم

عارف ايا كانت رغباتك الخاصه وما انت فيه لن تغير من الواقع شىء كل منا مكتوب قدره سلفا
خد الحياه كما هى واستفتى قلبك ووازن بينه وبين عقلك . اشعر بمدى حساسيتك
افعل ماتريد وكن ماتحب ولا تفكر فى راى
الناس طالما لا يتنافى مع الدين
صراحتك واسلوبك بتدخل القلب لانها من قلبك
ربنا يوفقك ويجعل حياتك كلها افراح
خالص تحياتى وتقديرى

klmat يقول...

كنت عايزه اقولك ان اسلوبك
رائع واحساسك عالى جدا وانك مريح لمن تتعامل معهم لادبك وذوقك بس محتاج تدلع نفسك شويه دعواتى لك بكل الخير
سلااااااااااام

Unknown يقول...

klmat
حقيقي شعرت براحه كبيره
وانا اقرا ما تنصحيني به
كنت كثيرا افتقد وجود اخت لي اتحدث اليها
وتبادلني الحديث
ولكن اعتقد الان ان هذا الافتقاد لم يعد له اساس من الصحه
ربنا يبارك فيكي وخليكي ليه

dina يقول...

لا يعرف المرء حينما يتحدث عن نفسه اي جانب يظهر
هذا الكائن الرقيق الذي يعيش داخله
ام ذلك الوحش الكاسر الذي يظهر من حين لاخر

الله
و الله دا احلى تعريف لنفسك...ما شاء الله فكر متعمق جدااااااااا و احساسك دا بيجيلنا كلنا
تحياتى

Unknown يقول...

dina

هوه فعلا شيئ صعب
لكن الاجمل هو مرورك هنا
حقيقي سعيد بيك وبتعليقك
خالص تحياتي