الخميس، 27 مارس 2008

هل تعرف طعم الحزن ؟





أسطورة صينية تحكي أن سـيدة عاشت مع ابنها الوحيد في سعادة ورضا حتى جاء الموت واختطف روح الابن .حزنت السيدة جدا لموت ولدها ولكنها لم تيأس بل ذهبت إلى حكيم القرية طلبت منه أن يخبرها الوصفة الضرورية لاستعادة ابنها إلي الحياة مهما كانت أو صعبت تلك الوصفة أخذ الشيخ الحكيم نفساً عميقا وشرد بذهنه ثم قال : أنتى تطلبى وصفة حسنا احضري لي حبة خردل واحدة بشرط أن تكون من بيت لم يعرف الحزن مطلقا وبكل همة أخذت السيـدة تدور على بيوت القرية كلها و تبحث عن هدفـها حبة خردل من بيت لم يعرف الحزن مطلقاً طرقت السيدة باباً ففتحت لها امرأة شابة فسألتها السيدة هل عرف هذا البيت حزناً من قبل ؟ ابتسمت المرأة في مرارة وأجابت وهل عرف بيتي هذا إلا كل حزن ؟ و أخذت تحكي لها أن زوجها توفى منذ سنة و ترك لها أربعة من البنات والبنين ولا مصدر لإعالتهم سوى بيع أثاث الدار الذي لم يتبقى منه إلا القليل تأثرت السيدة جدا و حاولت أن تخفف عنها أحزانها و بنهاية الزيارة صارتا صديقتين ولم ترد أن تدعها تذهب إلا بعد أن وعدتها بزيارة أخرى ، فقد فاتت مدة طويلة منذ أن فتحت قلبها لأحد تشتكي له همومها و قبل الغروب دخلت السيدة بيت آخر ولها نفس المطلب ولكن الإحباط سرعان ما أصابها عندما علمت من سيدة الدار أن زوجها مريض جدا و ليس عندها طعام كاف لأطفالها منذ فترة وسرعان ما خطر ببالها أن تساعد هذه السيدة فذهبت إلي السوق واشترت بكل ما معها من نقود طعام و بقول ودقيق وزيت ورجعت إلي سيدة الدار وساعدتها في طبخ وجبة سريعة للأولاد واشتركت معها في إطعامهم ثم ودعتها على أمل زيارتها في مساء اليوم التالي و في الصباح أخذت السيدة تطوف من بيت إلي بيت تبحث عن حبة الخردل وطال بحثها لكنها للأسف لم تجد ذلك البيت الذي لم يعرف الحزن مطلقاً لكي تأخذ من أهله حبة الخردل و لأنها كانت طيبة القلب فقد كانت تحاول مساعدة كل بيت تدخله في مشاكله وأفراحه وبمرور الأيام أصبحت السيدة صديقة لكل بيت في القرية ، نسيت تماما إنها كانت تبحث في الأصل على حبة خردل من بيت لم يعرف الحزن ، دابت في مشاكل ومشاعر الآخرين ولم تدرك قط إن حكيم القرية قد منحها أفضل وصفة للقضاء على الحزن حتى ولو لم تجد حبة الخردل التي كانت تبحث عنها فالوصفة السحرية قد أخذتها بالفعل يوم دخلت أول بيت من بيوت القرية
( فرحا مع الفرحين وبكاء مع الباكيين )
ليست مجرد وصفة اجتماعية لخلق جو من الألفة والاندماج بين الناس إنما هي دعوة لكي يخرج كل واحد من أنانيته وعالمه الخاص ليحاول أن يهب من حوله بعض المشاركة التي تزيد من بهجته في وقت الفرح وتعزيه وتخفف عنه في وقت الحزن إلي جانب أن هذه المشاركة لها فائدة مباشرة عليك ليس لأنها ستخرجك خارج أنانيتك ولا لأنها ستجعل منك شخصية محبوبة إنما لأنها ستجعلك إنسانا سعيدا أكثر مما أنت الآن

-----------
رغم ما في مصر من سلبيات أكثر من ينتقدها هم المصريين انفسهم
الا ان ما تفعله حمله حماية و صناع و انشطه مثل شنطة رمضان
وغيرها كثير حقيقي يرسم على شفتي ابتسامه
قد تكون ابتسامه امل .. او تعجب من قدرات هذا الشعب
أتمنى ببركة جهد المخلصين ان تنتهي هذه الفتره السوداء

هناك 31 تعليقًا:

Lobna Ahmed Nour يقول...

احييك على هذا المستوى من الايجابية

فرغم الاحزان والمآسي يبقى الامل

تحياتي

اللؤلؤة المكنونة يقول...

اذا لم نحزن يوما ..كيف سنعرف طعم السعادة والفرح

وكما يقال بضدها تتميز الأشياء


الحزن شعور من المشاعر التى تسيطر على الانسان فى بعض فترات حياته
شىء صعب قوى على الواحد انه يحصله حاجة تحزنه ....
ولكن الأصعب ان الواحد يقدر يتغلب على مثل هذا الشعور
ويستعين بالله
ويستمر فى الحياة عسى الله أن يمنحه ما يعوضه عما فقده


ما شاء الله قصة جميلة
وجميل ان الواحد ينسى أحزانه باندماجه مع الناس واختلاطه بهم

تقبل مرورى

فرنسا هانم يقول...

عمنا دمعاتى
انا مليش دعوه
انا جايبه طوب وهحدف على المدونه

اقعد اتعب نفسى واحل الفزوره
وتقولى كسبتى باتنين جنيه عيش
افرح
واتنطط
واتشقلب
وفى الاخر
مطولشى حتى الرده
لا
انا عايزه الجايزه
لاحدف طوب

Unknown يقول...

unique

لا اخفي عليك انا امر بحالة نفسيه بالغة السوء
ولكن وسط الازمات يولد الفرج
عندما قرأت القصه
أعدت التفكير
ووجدت انه ربما يوجد فعلا أمل
حتى لو لم يوجد لماذا لا نبحث عنه
تحياتي

-----------------------------

اللؤلؤة المكنونة
الحزن مكون أساسي في حياة الانسان
ربما هو من الاشياء التي تجعل الانسان انسان
ولكن يجد ان يظل في الحد الطبيعي
لانه اذا جاوز المدي يصبح مدمر ومهلك
اشكرك كثيرا على مرورك

-----------------------
باريس هانم
نظام التبالي دا مبحبوش
انا بعت الوله محروس بالاتنين جنيه عيش
وهوه قالي انه راح واشترى ب جنيه ونص عيش
ولما ركب ووصل السويس اتصل يطمني على العيش اللي بنص جنيه
وبعد ما داخ السبع دوخات وصل لحارتكم وبعتلي رساله قالي انه خلاص وصل بالربع جنيه عيش
وسال عليكي ام دبوه وخبي منها رغيف العيش ابو شلن
بس فيه ناس هجامه خطفوه وقالوله ياتطلع بالنص رغيف يا ها
ربنا يسرته ما يفضحه
المهم الواد ادالهم ربع رغيف العيش اللي معاه
طبعا انت ميركيش انهم ينهشوه عشان لقمة العيش اللي معاه
انا كده عملت اللي عليه
مقدرش اعمل حاجه اكتر من كده
جو سوي سلامز عليكم

0 يقول...

القلب على القلب رحمة.
بجد قصة هايلة ومش فيه مثل عندنا بيقول من شاف بلاوى الناس هانت عليه بلوته، كتير بيكون عندنا مشكلة ونحس وياها ان فيها موتنا وان لو متفائلين شوية هنقول خلاص الحياة مش فارقة وكله عادي وايه يعنى اللى هيجد علينا بس بجد بتحصل حاجات فى حياتنا وتبتدى بموقف يخص اى حد من حوالينا ونتلهي فيه ونحس ان احنا احسن من غيرنا وغيرنا احسن مننا. مش وعظ ولا ارشاد بس حتى المشاعر معروف انها مش بتموت وانها زى الزرع بيكبر ويفرع وجذوره ثابته بس لو جا يوم وحاسينا فيه ان المشاعر دى ماتت يبقى اكيد اصلا انها متولدتش او كانت زرعة شيطانى واكييييييييد هيجي يوم ونلاقى فيه امل بيتولد تانى من بين قلوب الناس اللى حوالينا .
علشان كدا اللى ربنا بيحبب فيه خلقه بيكون سعيد الحظ لانه اكيد هيطلع من مشاكله بيهم.
ربنا يحبب فيك خلقه ويبقى بيتك مافيهوش احزان وتيجي الست تاخد منك حبة الخردل.
ربنا يوفقك

دكتور حر يقول...

عمنا اللي تقل عليا خالص

بداية قصة جميله
بنقولها في واقعنا في المثل الشهير

اللي يشوف بلاوي الناس بتهون عليه بلوته

لكن الجميل اللي فيها ان الناس فعلا تعيش هموم بعض
وهو ده اللي ديننا قال عليه

ليس منا من بات شبعانا وجاره جائع

وختامك الأجمل
بالنظر الى النقظة البيضاء
كن جحميلا ترى الوجود جميلا

لك تحياتي

Unknown يقول...

طاير ياهوى

أحيي فيكي روحك الجميله
وقدرتك على تمنى الخير للاخرين كانك تتمنيه لنفسك
لا اخفي عليك كثيرا ما مررت في الفتره الاخيره بمواقف احباط
كنت اتخيل ان هذا الاحباط نابع من عدم وجود عمل
ولكن لما وفقني الله للعمل وجدت الاحباط كما هو
فهو احباط نتيجه الظروف العامه التي يمر بها كل من حولي
فلا يوجد من هوه مرتاح
وكل ما تتحدث مع شخص او تستمع للتلفاز يصيبك الاكتئاب
ولكن ما المانع ان احاول النزر للموضوع من وجهة النظر المضيئه
وحتى لو كان الضوء خافت فسياتي يوم ويصبح اكثر قوة
اسعدني للغايه مرورك

Unknown يقول...

دكتور حر
صديقي العزيز
اعتذر لك عن تقصيري
وليكن عزائك اني الخاسر عندما لا امر عليك للاطمئنان و الاستمتاع بما تخطه يداك.

اعتقد ان المصريين دائما مكتوب عليهم المحن
و الجيمل ان معدنهم الاصيل يظهر جليا في هذه المحن
ومصر الان تمر بمحنه .. لا يعادلها الا البلاد المحتله
ولما نجد وسط هذا الوضع الصعب من ينتفض ليساعد الاخرين
وينسى مشاكله التي بالتاكيد لديه الكثير منها ويصبح شاغله العمل الاجتماعي
حقيقي انه شيئ مبهر وملفت للنظر
وكفيل بالتامل ونسيان المتاعب و محاولة تقديم شيئ مع هؤلاء

دمت بكل ود ياصديقي

فرنسا هانم يقول...

تصدق ظلمتك ؟؟؟؟؟؟؟؟؟
شكرا على شمه العيش اللى وصلت

Unknown يقول...

فرنسا هانم
انا مسامحك خلاص
:)

رئـــــيسـة حزب الأحلام يقول...

السلام عليكم
ليتنا نتخلص من الانانية ولكن ماذا يفعل الانسان المتقوقع داخل نفسة
لقد سعدت بزيارة مدونتك

رحــــيـل يقول...

سامح

ياترى دى محاوله للخروج من مود كئيب؟
بس تعرف عن تجربة فعلا العمل التطوعى ليه دور كبير للخروج من دايره الحزن
غير كمان انك بتساعد حد او بتقضى حوائج الناس
الجميل جدا كمان
الصحبه الى بتكون معاك فى عمل خير
بجد بجد مفيش اروع منها علاقات صافيه جدا محبه فى الله بجد
من غير اى مصال او اضغان
بحاول ارجعلهم بقالى فتره بس اكيد بوستك هيشجعنى كتير
كنت محتجاله بجد
تحياتى واحترامى وتقديرى

bob يقول...

ياريت الحزن يبتعد عن طريقى؟
انا شخصيه اجتماعيه جدا ومحبوبه الحمد لله من كل من قابلنى

لكن ع الرغم من رؤيه الناس الدائمه ليه بانى سعيده والابتسامه لاتفارقنى ولكن حينما ياتى على الليل لااعلم ما ياتينى؟
ف يوم جه عليه وكنت طايره من الفرحه وبجد اتمنيت ان اللحظات دى ما تعديش وان لو بامكانى اوقف الساعه كنت وقفتها لو ف امكانى اوقف دوران الارض كنت وقفته وخليت اليوم ده يبقه كل حياتى

ان ما انكرش ان ربنا اعطانى القدره ع انى احاول بكل حاجه علشان اخلى نفسى ف مود حلو ووسط الناس دايما

لكن انا بتكلم عن ان قلبى مليان احزان ع اخره ودموع بداريها عن حتى نفسى علشان مصره انى هفضل باينه البنت ذات الابتسامه الدائمه ع شفتيها حتى ولو كان ده مش حقيقى

بس انا نفسى اضحك من قلبى بجد نفسى ابقه شخصيتى اللى انا بظهرها مش اللى خافياها الحزينه

اما بسمع من حد بتنصح حد جانبى ان مود الحزن بيجب حزن وان الواحد لازم يفكر ف ايجابيات ومميزات حياته ويحمد ربنا ع كل شىءويضربوا المثل بيه اللى الحزن عمره ما عرفنى

بيكون هاين عليه اقول انا يا جماعه من جوه نفسى اتغير نفسى ابقه زى ما انتوا شيفينى
وانا على كل شىء بقول الحمد لله

اشكرك ع موضوعك ومعلش بقه فتحتنى جايز اعرف اخرج حزنى ده وميعرفليش طريق كفايه بقه زهقتله

0 يقول...

انا كل ما حتاج اتكلم مع حد يكون قلبى ارتاح له
يطلع كمان هو اتألم ملحقش اكمل واشرح له
حصله نفس اللى حصلي
احكى وهو يكملى
واقوله كلام يا سلام يا سلام لو اقوله لنفسي واتعلم
بص بجد يا سامح انا كتير بردو بحس بنفس الاحباط او ان حياتى لو خلصت على كدا- ده وقت مابكون محبطه- يبقى انا اصلا ايه لازمتى ولا عملت فيها ايه
بس صدقنى لو جمعت الحاجات اللى قلقاك ومحيراك او خايف انها تحصل بجد والحاجات اللى مش قادر تحكيها لحد وتقول كدا - ودى طريقة مجربة- ان الحاجات اللى اقدر احلها اكييد كنت هعمل فيها قرد واحلها ده لو الحل فى ايدي
اما الحاجات والمشاكل اللى مش بتتحل يبقى ده نصيب
لانك لو تقدر تخرج من مشاكلك وده بايدك مكنتش هتستنى لا انت ولا اى حد تانى
كلنا نفسنا نحس بالراحة
ومن ضمن الحاجات اللى تخرج من الاحباط ده انك تقلل الكلام عنه
يعني شوف ايه الحاجات الحلوة العدلة واتكلم عنها يعني مثلا انك كتبت بوست حلو وعجب الناس وجالك تعليقات كتير تدل على انه نفع الناس ونفعك بأنك فضفضت فيه
او انك لقيت شغل - مبروك طبعا
او انك ربنا رزقك بحب جديد ان شاء الله
او ان امك راضية عنك وانبسطت منك النهاردة
او انك شوفت واحد شحات واديته اللى فيه النصيب
اه والله ساعات لما تشوف واحد بيشحت او واحد مش لاقى تحس انك ف نعمة
ولو عرفت ان فيه ناس قاعدة على اجهزة تنفس تحس انك فى نعمة
بص حواليك وانت اكيد هتعرف انك فى حال كويس لانك انسان جميل بجد وشيبك من الاحباط ده مش ليك ده للناس الفاشلة مش سامح
ربنا معاك

Sara يقول...

فكرتني بموقف محرج حصلي

كان في ندوة في الكلية عن التنمية البشرية لاستاذ من محافظتنا لسه مش مشهور المهم قال انه هايبتدي يشوف الاسئلة فبعت سؤال
انا عايزة الوصفة اللى الواحد لما يبقى متضايق يعملها وميبقاش متضايق ويخرج من المود على طول؟؟
المهم خدت تريقة على تريقة ومكنش فاهم سؤالي

لكن يعني لما بعد المحاضرة فهمته سؤالي قالى اجابة حلوة قوي

انزلى اعملى عمل خيري او تطوعي ادخلى سرور على حد مش لازم تنزلى للاستام ورسالة وكده ابسط حاجة ساعدي مامتك
ادخال السعادة على الاخرين اعتقد احساس رائع
بوست رائع

shreen يقول...

ياااه يا سامح

الاسطوره رائعه
ثم الحكمه منها

ثم كلماتك فى النهايه
التى ربطتها بالاسطوره

تخيل يا سامح
لو عشنا فى عالم

كل واحد فيه كل هدفه انه يسعد الاخر

تخيل هيبقى عالم جميل اد ايه

لو كل واحد تنازل عن انانيته وهو عايز ايه.. وفكر فى غيره محتاج ايه

يا ريت رسالتك دى توصل للناس

Unknown يقول...

رئيسة حزب الاحلام

وعليكم السلام ورحمة الله وبركاته
مهم ان يخرج الانسان من نفسه ومن محيطه الداخلي ويتعامل مع الاخرين
يشاركهم ويشاركوه الاحلام و الصبر
انا اسعد بزيارتك



رحيل
بالفعل هيه محاوله ساقها لي القدر ياساره
لان لازم من تغيير والا الاكتئاب اللي عايشين فيه دا هايقلب بجد
حاولي بجد واخرجي
عشان تساعدي غيرك وتساعدي نفسك
ربنا يكرمك ويخليكي



bob
مفيش حد مش مبتلى
وغالبا الشخص اللي بتلاقيه بيضحك ويهزر ومليان ود
بتلاقي الوجه الاخر للعمله حزن
بس دي سنة الحياه
ربنا سبحانه وتعالى اضحكنا وابكانا
منقدرش نلغي الحزن من حياتنا
بس نقدر نحجمه لما يكون فيه سبب كبير يستاهل
صممي بينكم وبين نفسك ان تلاقي السعاده
او على الاقل راحة البال
دوري كويس هاتلاقي فيه حاجات تستاهل انك تفرحي بيها وعن اقتناع
انا عارف ان دا مش سهل بس صدقيني يستاهل المحاوله

انا مبسوط انك فضفضتي ودا ميزه من مزايا التواصل اللي بيتام بينا كاخوه
يارب يكرمك وينعم عليك بالسعادة وعلينا جميعا

Unknown يقول...

ياسمين
ازيك اخبارك ايه
هوه مين بس متالمش يايسمينه
مفيش حد
كل واحد مبتلى بشكل ما
عشان كده زي ما قلتي مش هاتلاقي حد تفضفضيله مش هيكون عنده هوه كمان اللي يقدر يفضفض بيه
احيانا التجاهل بيبقه علاج حلو قوي للاكتئاب
يعني بطنش الحاجات اللي ممكن تضايقني
واكلم بس عن الحلو
لو حد سالني عن حالي اقوله تمام وفل الحمد لله
وادور على حاجه حلوه مهما كانت بسيطه واحكيها ليه
ولو كان اليوم دا فيه كارثه ولا كانها موجوده
تخيلي لو فيه حاجه مضيقاكي
وليكي خمس اصحاب
وكلمتيهم وكل واحده حكيتي ليها على الموقف شوفي هاتتشحني عاطفيا كام مره
مش معنى كده الواحد ميحكيش
لا بس ميكترش على نفسه الهم
اصل حياتنا مش ناقصه
وعلى رأيك فيه حاجات كتير في حياتنا تستاهل اننا نفرح بيها
ونحمد ربنا عليها
كوني اقدر اساعد محتاج دي نعمه
تخيلي شخص اخر نصيبه انه يعيش في الذل ونصيبك انك تساعده ولو بشئ بسيط
شكرا ليكي
ربنا ما يحرمني منك

Unknown يقول...

سارة
بالتاكيد ياساره مساعده الاخرين عمل انساني نبيل
في الوقت اللي انت بتساعد فيه شخص اخر انت في حقيقة الامر بتساعد نفسك
وبتضيف لانسانيتك
ربنا ينقينا جميعا ويعدي الايام دي على خير
وينجي مصر من كبوتها
يارب
يارب

Unknown يقول...

شيرين
اي حاجه جميله في البدايه بدات بحلم
الحمد لله ان ربنا خلق لينا القدره على التخيل
عشان نعرف قد ايه الدنيا ممكن تبقه مكان احلى لو عملنا حاجات بسيطه
عارفه ياشيرين
الواحد مش قديس الواحد بيغلط و شويه فوق وشويه تحت
بس من جوه فيه حاجه بتقول المفروض تبقه احسن
المفروض تساعد غيرك
مش انت بس اللي بتتالم او تعبان
فيه غيرك مش لاقي ياكل
انت بكل همومك دي ممكن تكون مفتاح فرج لغيرك
وسبب من ربنا عشان تخفف عن ناس تانيه
اتمنى ان يتاح ليه وليكي ولغيرنا الاحساس دا ديما
الاحساس بقيمتنا
وبقدرتنا على العطاء
العطاء الخالص لوجه الله
متحرمش منك ياشيرين ولا من وجودك

Cleo يقول...

الحزن فى الحياة كالملح.. يعطيها طعما أجاجا إذا زاد عن المطلوب ويجعلها ماسخة إذا انتفى وجوده... طب نفكر كدة فى الناس اللى مكانش عندها سبب للحزن؟؟

هؤلاء الناس الذين يعيشون حياة بلا حزن بلا طعم إما يدمنون المخدرات أو يموتون منتحرين أوا يعيشون فريسة للاكتئاب والانحرافات المازاجية والسلوكية

ولمؤمن الحزن ابتلاء وبابا مفتوحا لتكفير الذنوب.. هناك حديث على لسان أشرف الخلق يقول" عجبت للمؤمن أمره كله خير.. إذا أصابته سراء شكر فكان خيرا له.. وإن أصابته ضراء صبر فكان خيرا له"

غير معرف يقول...

قصة جميلة و حزينة و متكررة فى كل بيت فى كل زمان و مكان
الصبر على البلاء من شيم المؤمنين و الأقوياء و فعلا حبة الخردل فى كل بيت و ان اختلفت درجة مرارتها .

د/اجدع بنوته يقول...

انها حقا اسطوره

رهف يقول...

سامح
تحياتى لك أولا
الموضوع دا حلو جدا بجد ويمكن يكون ليه اثره الطيب على ناس كثير وانا اول المتأثرين قدمت نصيحه بين السطور زادت الموضوع عمقا
دمت بكل سعاده

DayDreaming يقول...

جديد الكلام ده على مدونتك يا سامح :) شكلنا مش هنحتاج مناديل تاني واحنا داخلين مدونتك

اكتر حاجه بتخلي الانسان سعيد هو انه يحاول على اد ما يقدر يسعد اللي حواليه
علماء الصحه النفسيه بيقولوا ان اسعاد الاخرين والاحساس بيهم في قمة الهرم النفسي
يعني الانسان اللي يقدر على ده بيكون في اسمى مراحل الصحه النفسيه

جميييييل البوست
يارب دايما كده في تفاؤل

ِِAdem El-Mahdy يقول...

سلام عليكم
عم الانتجراتور

قصة روعة جداا

بجد الامل مفيش احسن منه

و حديث الؤسول
لان امشى فى احة اخى خير لى من اعتكف فى هذا المسجد شهرا

و بس
و سلام عليكم

Unknown يقول...

cleo
فعلا الحزن بالمعقول بيعمل توازن في حياة الانسان
بس الحزن اللي بالمعقول مش الهم الناعي اللي عايش في المصريين
ايه دا انا رجعت لتون الاكتئاب
منوراني

---------------
hassan
اتفق معك ان حبة الخردل في كل بيت
ولكن يجب علينا ان بحث عنها بصدق
وان لم نجدها في البيت فقد نجدها في داخل انفسنا
تحياتي
---------------
د\اجدع بنوته
ربنا ياسيدتي
فنحن في زمن متاح فيه كل شيئ حتى الاساطير
تحياتي
---------------

رهف

اشكرك كثيرا على كلامك الرقيق
سرني مرورك للغايه
خالص تحياتي
---------------
اميرة
انت بس اللي بتنسي يااميره
تاني بوست في المدونه كان كوميدي
بس انتو زي القطط بتضحك وتنكر

رغم انه صعب اقول للمصري اللي اول احتياجاته غير ملباه
اقوله نط لاخر الهرم النفسي مره واحده
بس والله المصريين في قمة وضعهم الصعب بيعملوا افضل الاشياء
واحنا المستفيدين اولا واخيرا لو ساعدنا غيرنا

متحرمش منك يارب

---------------
احمد باشا

انا مش عارف ازاي انت عرفتني رغم اني كنت مستخفي عشان التار اللي عليه
:)

طول ما فينا نفس لازم نفضل نهدور على الامل
ولو راح نحاول
عشان بس نقدر نكمل ونعيش
شكرا ليك

زُمُرده يقول...

اول مره اقرأ القصه دي
بس انا بعمل كده
بالفعل
علشان تنسى همومك وتخففها عليك
لازم تدوووووووب اوي في الناس
تعيش فرحهم وحزنهم ومصايبهم وسعادتهم
مهما كانت وقته او قصيره

لما قلب واحد بيبقى شايل حزنه بيبقى تقيل اووووي
لما يتقسم على ااتنين بيخف
وكده كل ما الناس شاركت بعض احزانها وافراحها
القلوب هتعيش مع بعض بجزء من الفرح والحزن

وكل شخص هينسى او يقل احساسه بألمه واحزنه ومصايبه لما يخرج منه للناس ويقاسمهم ويشيل عنهم

جميل بوستك اوي
واديك جبت الدليل
او مثل من واقعنا

تحياتي

Unknown يقول...

زمردة
بالفعل المشاركه الانسانيه لها تاثير قوي وفعال جدا في حياتنا
تجعلنا كما قلتي ندوب في الناس
بفرحهم وحزنهم
وانا واثق تماما انه حتى لو كان واقعنا مرا الا انه مازال هناك امل
خالص تحياتي

klmat يقول...

الاسطوره الصينيه والحكمه اللى بنخرج بها
رائعه فهى هى الدواء لداء الحزن
وجميل انك تذكر الحاجات الايجابيه اللى
بيقودها عمرو خالد ربنا يكتر من امثاله
ويبارك له ويباركلك
اتمنى ان ربنا يفرجها على كل حزين ونثق
بان كل شىء مقدر ومكتوب لحكمه لا نعلمها
فقدان هذه السيده لوحيدها شىء مؤلم للغايه لكن محاوله مساعده الآخرين وصبرها فى ميزان حسانتها
وعسى ان تكرهوا شيئا وهو خير لكم. من قلبى ربنا يكتب لك
كل اللى فيه الخير ويسعد قلبك يااااارب

Unknown يقول...

كلمات
كلماتك هادئه ورقيقه
ودعاء ادعوا الله ان يستجيب له
اشكرك واتمنى لك الخير و السعادة